> Il me pare que un grande parte de interlinguaistas active e laboriose
> son personas jam pensionate o de etate medie. Io vide un tal situation
> como periculose nam post 20-30 annos il non habera multe personas preste
> a dedicar su tempore e disveloppar sitos, dictionarios, litteratura o
> attraher nove adherentes. O forsan io ha torto?
> Pawel
>

Io pensa que tu non ha torto e que, comocunque, tu non confide in le
juvenos. In Italia le population deveni sempre plus vetule, le juvenos tarda
a sposar se e a procrear. Iste historia plena le chronacas e, oh Deo! nos
finira totos al mercede del immigrantes. Postea, il es de iste dies le nova
que, in mi Veneto, le nascentias del pueros es in ascension mesmo inter le
parentes italian. Illos del immigrantes es un facto ben consolidate.
Si io prende le autobus in le horas del juvene studentes, al minus un puero
omne cinque, evidentemente non es de origine italian e totevia, inter illes,
io nota le comportamentos de lor etate, sin alcun distinction.
Pensa tu que iste juvenos non habera le passiones que ora nos ha?
Securmente illes habera lor passiones, proprie de lor tempore, e totevia
anque le nostre, vivite a lor maniera.
De iste puncto de vista io non pensa que le futuro sera minus felice e, al
contrario, io pensa que nos continuara a esser illes de sempre. In mi region
le penetration del altere populationes ha essite un realitate constante in
le seculos passate. Le indigenos non existe. Il existe totevia un viver
proprie local que es elemento de grande cohesion. Per exemplo, inter le
altere, le uso del dialectos que mantene lor distinction a nivello de parve
areas, qualque kilometros quadrate e, jam, existe un diverse dialecto.
Isto in un mundo sempre plus integrate in multissime manifestationes del
viver quotidian.
Le production de libros que reguarda le territorio in diverse visual es
active actualmente como il non esseva jammais in le passato.
Perque le juvenos non deberea esser como nos?
Assi interlingua sera, probabilemente, un passion limitate a poc personas,
deman como hodie.
E con isto? Nos continua a practicar lo e isto es un belle placer.
Tote le personas mangia e bibe, alcunos lo face con passion, e io ama
mangiar e biber pro le placer de facer lo. De iste puncto de vista io es
certe que alteres habera iste inclinationes, mesmo in le futuro del futuro.
Angelo consenti, e ille ha un eterne experientia. Alora!
Ciao,
Mario