Sig escreveu:
> Car omnes,
>
> Le campionato del mundo in futaball in Paris face tote Europa
> PARALYSATE exactemente como "Superbowl" face le SUA immobilisarte, ma in
> iste caso totel le mundo se immobilisa..
Vos certo non imagina quanto un Cuppa del Mundo de Football affecta le
quotidiano brasilian. In iste tempores, on ambula per le stratas e
difficilemente trova un strata que non habe un "tecto" de parve bandas verde e
jalne amarrate a un serie de filos... Bandieras brasilian ubicunque, personas
vestiente vestes con detalios verde e jalne, o mesmo con partes del bandiera
brasilian.
Le TV exhibe le jocos del Cuppa, e quandocunque il ha novas ab le concentration
del "selection" (le equipa) brasilian. Perque Brasil vinceva in 1994, nos era
automaticamente classificate pro iste Cuppa de 1998 pro participar in le joco de
apertura del campionato.
Alcun dies ante le joco initial, io non sentiva un "climate" pro-Cuppa tanto
grande. Brasil habeva paupere resultatos in le jocos-tests del dies anterior. Le
equipa se reuniva multo tarde, le coordination inter le jocatores ancora non era
bon, e nos sentiva que nos haberea problemas quando le campionato se initiarea.
E assi arrivava le 10 de junio, die del joco initial... Incredibile!!! Il pare
que un sentimento de fide subito surgeva intra le personas, e ja on videva le
verde-jalne ubicunque. (Fide e sperantia es characteristicas del populo
brasilian!) Quasi omne interprisas liberava lor empleatos pro spectar le joco, e
quando io exiva le ministerio, al medie-die, il habeva un tension in le aere,
totes in haste volente arrivar tosto a casa pro accender le TV... Le joco
comenciarea 12:30. Io prendeva le autobus verso le casa de Zjan. Multe autos in
le strata, focos de artificio... In un stop del autobus, io videva per un
fenestra de un casa que ja sonava le hymnos de Brasil e Scotia... Io arrivava al
stop del autobus le plus proxime al casa de Zjan, ma ancora deberea ambular duo
quartieros pro arrivar illac. Ab intra le casas on audiva le sono del TVs
narrante le joco... Al bares, personas spectava grande TVs durante que illes
bibeva bira... Io me hastava ma, al medietate del secundo quartiero, io audiva
critos de goal e un stridor plus intense de focos de artificio: Brasil 1x0
Scotia a 4 minutas del prime tempore, e io non lo videva. Io arrivava e videva
le goal de Scotia al fin del prime tempore. Ma Brasil al fin vinceva per 2x1.
Per vider le joco il pare que le equipa brasilian habeva un melior actuation que
in le jocos anterior, e io spera que illes habera tempore pro trainar bastante e
facer un bon joco contra Marrocos le die 16.
A 16:00, Marrocos 2x2 Norvegia. Io me surprendeva de vider Marrocos attaccante
Norvegia, e io opina que le paritate [draw game?] esseva un resultato juste.
In le gruppo B (de Italia), le duo jocos finiva in paritate, e ora tote equipas
habe 1 puncto. Situation complicate...
Un surprisa in le gruppo D: Nigeria 3x2 Espania. Le mesme Nigeria que vinceva le
Olympiades de Atlanta post eliminar Brasil in le semi-final e Argentina in le
final... Attention a iste equipa!!!
Hodie in le gruppo H, Argentina con difficultates vinceva Japon per 1x0. Hm...
Il pare que il non habera joco facile in iste campionato... Le "parve" equipas
de antea acquireva plus de technica!
Le unic grande "goalata" usque ora esseva Francia 3x0 Africa del Sud in le
gruppo C, le die12. Multo bon resultato pro le equipa "domestic" de Francia.
Un pluvia forte comenciava cader ora in Belém. Io va accender le TV pro spectar
Jamaica e Croatia.
A revider!
"Enxo". ;^) [In portugese 'x' pote tamben esser 'sh'.]
--
ENSJO*: EMERSON JOSÉ SILVEIRA DA COSTA
E-mail : [log in to unmask] [<Ř>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
UIN ICQ : 713833 [* "sj" pronunciate "sh"]
INTERLINGUA - lingua auxiliar international
Info : http://www.interlingua.com
Grammar : http://www.nautilus.com.br/~ensjo/interlingua/english.html
|
