robocap on wind wrote:

>Pois que iste regula es appoiate per tote le linguas fonte, io opina que
>"Union Europa" non es correcte, quia "Union" non es un hyperonimo. De facto,
>nos ha:
>(anglese) European Union
>(italiano) Unione Europea
>(francese) Union Europee
>etc.
>
>Naturalmente, iste es solmente mi opinion.
>
>
On pote vider como linguas ethnic face pro securar maximal comprension,
como in le horologios de Helvetia, ubi il scribe "Swiss made", o forsan
"Swiss make" ego non ben memora. In anglese on parla del D-day, ma in
svedese nos pote dicer "dagen D" o "le hora H". Ma si isto es diffundite
in le linguas fonte ego non sape.

Formas adjectivisate etc. es un mal combattende, secundo me. Russo es un
lingua que ama tal cosas e pro illes qui debe traducer lo isto crea
extra labor a vices. On debe saber que le "rizhskoje pivo" es "bira de
Riga" e que le "Ladozhskoje ozero" es Laco Ladoga. Isto es naturalmente
OK pro le russo sed pro interlingua il forsan es desirabile que on usa
si poco que possibile le formas substantival e non adjectivisa illos.

In le grammatica de Gode e Blair ego trova "motor Diesel", "Radios
Roentgen", assi que il non debe esser un troppo enorme error parlar del
"Unnion Europa".

Ma "de gustos" etc.

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================