Paul O Bartlett ha scripte:
>
> Mercuridi, le 26me martio 1997 Allan Kiviaho scribeva (extractos):
>
> >    LITTERAS GERMAN, SCANDINAVIAN, FENNO-UGRIC E TURC
>
> >    A causa del situation miserabile con le standardisation
> >    del systemas de posta electronic, tal litteras como
> >    a umlaut, o umlaut e u umlaut non sempre es transmittite
> >    correctemente.
>
> >    Proque le grande Imperium Billiarum ha decidite que
> >    solmente los litteras e permittite in le Posta Imperial
> >    Electronicus que es amate per le Imperator ipse, e.g. le
> >    litteras anglo-american, nos dissidentes e barbaros es
> >    lassate al mesuras improvisate.
>
>     Gratias pro tu message personal, e benvenite al lista.
>
>     In re le litteras (characteres) accentuate intra le messages de
> posta electronic, le problema non es in toto le Imperator Gullielmus
> Gates.  Il ha tamen normas international pro le tal litteras, le normas
> del Organisation del Normas International (ISO).  Illo ha publicate le
> normas ISO-8859-x (x = 1, 2, 3, ...), le quales describe gruppos del
> characteres europee e non-europee pro le empleo intra posta electronic.
> Per exemplo, ISO-8859-1 describe litteras pro le linguas de Europa
> occidental.  Il ha anque un norma (MIME) intra le Interrete pro
> transmitter le tal characteres.
>
>     Le problema ver es, que tante systemas computatorial NON EXECUTA
> ISTE NORMAS.  Multe legitores del posta electronic non pote monstrar le
> litteras accentuate.  Multe systemas del transporto electronic de posta
> non preserva le informationes del controlo, e ergo le messages deveni
> difficile a leger.
>
>     Le normas existe.  Solmente nimie personas non los executa.

Tamben, le Internet es composte per tante typos differente de
computatores e programmas, e de epochas differente. Alcun de illos es
anterior al normas de ISO. Assi, si le messages passa per un de iste
computatores o programmas que obviemente non "comprende" le normas
recente, ille face un grande "salada" con le characteres.

Per exemplo, alcun computatores non "supporta" (excusa mi
"informatichese") codice ASCII de 8 bits, solo le de 7 bits. Con 7 bits,
nos pote haber 128 characteres. Iste es le ASCII standard. Con un bit
plus, nos pote haber plus 128 characteres, in un total de 256. In iste
nove spatio, on define litteras con signos diacritic: umlaut, acute,
grave, tilde, cedilla, thorn...

Si un de iste characteres passa per un computator qui non supporta ASCII
de 8 bits, ille elimina le octave bit, e assi, le character que deberea
esser in le 128 characteres "alte" cade in le gruppo "basse".

Per exemplo, in le lista AUXLANG il ha un brasilian cuje nomine es
"Jose'" (e-acute), e illo deveni "Josi".

Pro corriger iste situation on deberea substituer multe programmas e
computatores que compone le Internet... Ma isto succedera gradualmente,
e in le futuro forsan toto functionara ben.

Informaticamente, Ensjo. *bip!*
--
   ENSJO : EMERSON JOSE' SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belem - Para - Brasil
Telephono: (091) 231-5740 // +55 91 231 5740