From: "Stanley Mulaik" <[log in to unmask]>
> Le Evangelio de Johannes scribite post le altere evangelios in le
> Nove Testamento esseva le prime a dicer que Jesus es Deo qui ha
> venite a promenar super le terra, e on debe creder in ille si ille
> essera salvate.  Marco, le prime evangelio, sequite
> per Mattheo e Luco, es  multo similar, e es appellate le evangelios
> synoptic. Illes non dice que Jesus es Deo.  Assi le Evangelio de
> Johannes es le fonte de iste principal conception theologic del
> christianismo,  e Paulo ha dicite alque similar.

Car Stan,
In le Evangelio secundo Johannes
il non ha necun verso que dice "Jesus
es Deo". Il ha versos que dice un cosa
altere a isto, pro exemplo on trova
Johannes 3:16, 17...

"Perque, Deo ha tanto amate le mundo, que ille ha date su unigenite Filio,
   a fin que, quicunque crede in ille non peri, ma ha vita eternal.
De facto Deo non ha mandate su Filio al mundo pro judicar le mundo, ma
   proque le mundo sia salvate per medio de ille."

Deo non se ha date ille mesme,
ille dava su Filio unigenite pro
le salvation del mundo.

De facto Jesus es un deo, o un
persona divin, ma ille non es "Le Deo"
Omnipotente, ille Deo Omnipotente
es le Patre.

E in Johannes 17:3 Jesus precava a su Patre:
"Isto es vita eterne, que illes te cognosce le
unic ver Deo, e ille qui tu inviava Jesus Christo".

Nota que Jesus non se appellava assi mesme
como le "unic ver Deo", non ma como le
Christo, qui esseva inviate per le ver Deo.

In Johannes 20:17, "Jesus diceva a illa [ Maria
Magdalen ] 'Non me tene, proque io non ha
jam ascendite al Patre; ma va a mi fratres e
dice les, 'Io ascende al mi Patre e a vostre
Patre, a mi Deo e a vostre Deo'".

Assi que Jesus mesme face distinction inter
le Patre o Deo, le qual es le Patre ambe de
Jesus e de su discipulos, e le qual es anque
le Deo de Jesus e su discipulos. Il es clar que
Jesus non clama esser lo mesme a Deo"

In le prime capitulo de Johannes on trova:
"In le principio esseva le Parola, e le Parola
esseva con Deo, e le Parola esseva [un] deo."
In le grec original, que non usa un articulo
indefinite "un" on comprende que iste "theos"
o "deo" es differente de ille "theos" o persona
divin qui ha un articulo definite "le Deo", il ha
solmente un ver Deo unic, le altere esseres
divin pote esser nominate assi vermente como
"deos", e nos anque sape que multe gente
adora "deos" pagan, ma il ha solmente un
ver Deo unic, un Creator de toto, includente
le Filio, le "deo" unigenite (vide Johannes 1:18).

Assi, il non es que in le parola de Deo on trova
que "Jesus es Deo", non, isto es un inseniantia
anti-monotheistic, un confusion human del ver
realitate assi como illes ha rationate in quanto a
Deo. De facto, Deo vole que tote persona qui
vole saper qui ille es realmente pote apprender
lo pro medio de su Parola.

Con salutes amical,
Jay B.