Salute,

Iste lista me deprime. Il me costa troppo de effortio emotional
supportar tote le prejudicio e zelotismo pro- e anti-religiose, pro-
e anti-homosexual, personas accusante le unes le alteres de esser
malade, etc. que domina tote le conversationes. Io non vide alicun
respecto mutual inter personas de convictiones e perspectivas
differente.

E isto es le foro le plus active de interlingua in internet - qual
illustration triste del stato de nostre movimento. Vos omnes besonia
demandar vos si isto es vermente le impression que vos vole dar al
novicios de interlingua qui trova in iste lista lor prime
opportunitate de communicar in nostre latino moderne international.

Io ha troppo de cosas importante in mi vita requirente mi attention
pro occupar me de iste nonsenso. Si le conversation non retornara
tosto a esser amical, io debera disactivar mi abonamento usque le
situation se ha normalisate.

- Martijn