Amicos,
le plus scientific ex vos pote naturalmente controllar in le servitor del lista lo que io scribeva un anno antea e comprarar isto con lo que nunc seque. Sperabilemente iste texto pote esser locate in le collection de Thomas. Vole ben, usa le texto in le collection Thomas. Si tu per hasardo ganiara un multitude de moneta tu pote pensar de me financialmente un poco, altero tu pote oblidar isto.

Tamen, le festa de lucia, que veni ante Natal sed post le solemnitates del Premio Nobel e Sinterclaas in Nederland, iste Lucia ha su radices in le occidente de Svedia e il ha simile festivitates in le Balkan (dice le expertos). 
Como le politicos dice, il non es per hasardo que on ha seligite le data 13 de decembre pro Lucia, proque secundo le vetere calendario ille die era le plus curte del anno. Le nocte al contrario era le plus longe e - como toto que es plus longe e plus curte in le vetere tempores - illo era magic. Le jocularios del infantes deveniva vivente, le animales parlava e il era peligrose dormir. 
Pro isto in le vetere societate ruarl on non dormiva iste nocte. On era eveliate, e pro non dormir on bibeva e mangiava a su plen satisfaction. 
On poterea creder que Lucifer era sinonimo pro un altere esser que le diabulo. Pro que ille porta le luce io non comprende. Forsan le igne del inferno. 
Crito del audientia: Sed la Lucia, le belle juvena con le corona de candelas!!!

Illa venira. Illa es secundo le legenda le martyra al citate de Syracusa in Sicilia. Illa era cecificate e comburite pro que illa non voleva renunciar su credo cristian. Como on succedeva mixar isto con le diabulo es un acto de acrobatia mental o ignorantia que es stupende. 
In le pre-schola omne le puellas voleva esser le Lucia e nulle voleva esser su sequitrices con candelas. Secundo le tradition tamen, on eligeva le plus belle juvena a esser Lucia e portar le corona con le candelas. Il ha un tradicion que illa debeva esser virgine, sed io non crede que troppo de homines prendeva isto nimis seriosemente.

Lucia veni cantante in le casa tenebrose que illa e su sequitrices (ille juvenas qui la seque) e le juvenos stellate (con stellas) vestite in un grande conus sur le capite. Illa canta le canto de Lucia (que ha solo le melodia e le frefreno in commun con le cancion italian) e offere cafe e buisquitos piperate al presentes. 
On bibe subinde le vino calide con spices special, le glögg, e in certe quartieras et altere bibitas forte. Lo que con le historia ha resultate in le Lucia Hodierne que es un festa que occurre extra le casa. On lo comencia de bon hora le 13 (o le vespere anterior) e le policia ha multo de facer. Como exemplo colliger juvenes qui ha bibite troppo e es preste al hospital pro dis-toxication (o como on dice). Multo frigide meteorologia ha le tendentia surdinar le festivitates.

In omne urbes on elige un Lucia. Illa debeva esser blond, sed io ha vidite etiam Lucias a capillos nigre o afrolucias. Multo ben. 
In mi tempore studentil io me recorda in le casa studentil ubi io habitava il habeva un festa exorbitante de Lucia. Illo finiva per isto que un persona in le casa opposite le nostre ejectava le setias e le tabula del cocina studentil per le fenestra. Un defenestration minus fatal historicamente que illo in Bohemia le anno Domini 1618 que significava le initio del Guerra trigintennial in Europa. Sed isto es historia in le ver senso del parola.

Luciamente
Kjell R.