Hic in Toronto, quando on vole usar le metro (subway), on non compra
un billeto ma un "token", id est un parve moneta con le signo del metro.
In francese illo es apellate "jeton". Le parola "jeton" me pare assatis
international. Per exemplo, in Polonia on usa "zhetones" quando on
vole usar un telephone public. Io trovava le mesme parola in italiano:
"gettone". Anque in anglese il ha un parola "jettone" (que io non
sapeva). Comunque, io non ha trovate iste parola in IED. CEID propone
le parola "*dischetto" que me pare multo minus international.

Esque alcuno pote verificar le parola "jeton" in altere linguas?

Grzegorz