Arturo,
  Io habita Atlanta (vermente in Marietta, Georgia al nordwest de
Atlanta).  Io travalia como professor del psychologia a Georgia Tech.
Mi interesses special in le psychologia es le statistica.  Io insenia
cursos in le statistica multivariate, le analyse factorial, e
le modeles de equationes structural.

  De interesse a Jan, io empleava un servicio de arboristas a remover le
duo arbos in le fronte de mi casa.  Un esseva un pino in alte de 28
metros. Le altero esseva un 'sweet gum" _Liquidamber styraciflua_ de
circa 15 metros que stava presso le pino.  Io timeva que le pino poterea
cader super le casa e destruer lo.  Nos ha tempestas forte con forte
ventos e le pinos es specialmente vulnerabile a istos.  Nos equalmente
ha in le hiberno le tempestas de glacie in le qual le pluvia se gela
super le arbos, e le parte le plus alte del pinos deveni tanto pesante
que le trunco del arbo se rumpe e le parte le plus alte cade super le
terra (o possibilemente un casa).

Le arboristas usava un camion con un grue.  Initialmente un homine
ascencedeva le arbos e abscindeva le ramos.  Alora con le grue ille
attachava un cablo circa le trunco, e quando ille serrava le trunco,
le section liberate esseva capite per le cablo, e iste section esseva
abassate al camion in basso per le grue.

Io plana a plantar un ulmo in le placia del arbos removite.

Al hora actual nos entra le saison de tornados. Il jam ha habite forte
tornados in Ohio, circa Cincinatti, que ha destruite alcun 200 casas.
Rememora que a iste tempore le anno passate, un tornado ha destruite
circa 300 casas in le nord de Atlanta.  A vices un tornado va lassar
solmente le fundation del casa, le resto essente sufflate al vento.
Mesmo casas de bricca non es resistente a tornados.

Stan Mulaik