Inspiration, intertenimento, practica, discussiones, labor, natura, 
cultura, excursiones... Tote isto (e multo plus) es ingredientes de un 
conferentia de interlingua. In compania international on vive septe dies e 
noctes con interlingua - un experientia unic e placente.

Le 17-me conferentia international de interlingua habera loco le 16-22 de 
julio in Åsa, al sud de Göteborg, vicin al impressionante costa roccose 
svedese. Le 15 de maio es le ultimissime data de inscriber se - ma invia 
le scheda de inscription si tosto como possibile pro esser secur del 
camera desirate.

Visita le sito fortemente extendite del conferentia con multe 
informationes, photos, mappas e factos - e lassa te inspirar a participar 
... con tu familia. Ma sia rapide...

Le adresse es: www.interlingua.com - clicca al ligamine sub le photo.

Benvenite in Svedia iste estate!

Con mi optime salutes
Thomas Breinstrup