Contra le tradition del despotismo asiatic appareva le
ideal greco-roman del stato de citatanos: le moral de isto
non se fundava essentialmente super le fortia e pavor ma
super le senso del deber e elevar, que signalava 
considerante le plus bon del societate. In le epocha del
individualismo e egoismo que prevale hodie, il es secundo
le opinion mie causa a rememomar al tradition del
patriotismo (non nationalismo) roman, que recognosce le
activitate public ma simul demanda un alte moral.

Naturalmente io non pote o vole negar isto que inter
alteres le multe medieval impulsor, romanticismo e, vamos
dicer, Freud ha inseniate: que un homine non pote esser
solmente harmonia e balancia, e que le sanguine feroce in
nos etiam pote esser un importante parte del human. Ma il
existe satis de exemplos como multe mal instinctos, que on
ha lassate libere, pote render a assi un individuo como le
societate.

Le romanos idealisava naturalmente, como tote le nationes, 
le virilitate que appareva in battalia. Plus importante pro
le ideal antique que le militaristic Iliad, que descendava
de archaic epocha grec, es le Aeneid, le grande epos de
Vergilius ex principio del epocha roman. In guerra on es
fortiate in un extreme condition de poner su qualitates
moral e spirito a testo. Ille, qui non vide que le
litteratura roman - o "Fänrik Ståls sägner" (Un epos 
heroic del guerra 1808--9 contra Russia per J.L. Runeberg,
le author del anthema de Finlandia -- AK) - dice super le
qualitates moral e non del toto "idealisa le guerra", debe
esser un idealista particularmente illiberal.

Pro retornar a schola io vole ancora accentuar le grande 
significantia del facto, que le mesme inseniator (le
excellente lector A. Nukari) inseniava nos e in lati
europee es a simila le latino in exactitude, le hierarchia
del phrases, stilo, rhythmo, brevemente in le tradition
rhetoric, que attingeva su culmine con Cicero. Quanto plus
proxime le latino, tanto plus educate e belle finnese,
svedese, germano o francese. Le grandores qui ha usate le
linguas finnese o svedese ha state multo proxime al
tradition de antique, e.g. le poetas como J.L. Runeberg,
Otto Manninen o P. Mustapää, o oratores como Fredrik
Cygnaeus e Edwin Linkomies. Al hereditage latin indiceva
etiam le superbe stilistas J.K. Paasikivi e Urho Kekkonen
(Le duo grande presidentes del Republica de Finlandia, qui
pilotava Finlandia al securitate ex le periculos mortal del
Secundo Guerra Mondial). 

An on pote poner le guerras europee e le guerras mundial
solmente al hereditage roman como carga? An il non ha
habite guerras anque alterubi? Pax Romana es in omne caso
un del plus significante periodos del pace del historia, e
si on vole, on pote etiam con placer scriber le guerras al
conto del germanos, vikinges, gallicos e slavos.

Le roman tene principalmente le cultura del Mediterraneo e
cuje radiation al nord, e recognoscentia de roman in nulle
modo exclude ma al contrario include tote costas
mediterranee. Secundo futurilogicos francese e italian,
Turchia, Tunisia e Morocco deveni postea alicun decennios
esser un factor de potentia significante, in resultato del
su grande potential de population, in relation a
sparsemente inhabitate regiones del nord, que son pesante
de obsolete conceptiones de travalias e professiones, 
education e le moderne technica de informatica ha facite
le interprisas de familias e clanes competitive, e in
structuras de illos le salarias e cura de infantes e 
vetulos arrangia se sin exoperos e syndicatos.

Un del grande traditiones del Imperio Roman es etiam un 
rar tolerantia con respecto del aspectos religiose,
philosophic e ethnic. 

In haga de tolerantia poteva anque le dialogismo
superviver, que un significante ideolog europee, Edgar 
Morin, leva como un del plus importante characteristica
europee.

Omne honor al mandarinos chinese! Ma nos non eveni pertiner
al vetule circulo cultural chinese. Hic le latino ha sonate
durante mille annos in plus o minus alte tonos, nostre
perception de derectos es roman e anque nostre imagination
de citatanate e publicitate es, quando il es le plus bon,
roman.

Assi: Nos deberea reintroducer le scholas latin pro
revitalisar le connexion que nos besonia como fundamento
pro nostre proprie cultura e nostre valores. 

Habente essite in un schola latin non impedi soniar de
paises distante e non etiam de destinos del mundo extra-
europee. 

Postea le Secunde Guerra Mundial e in le tempore del
dissolver del imperios colonial francese e britannic le
bon-cognoscite tono antieuropee se diffundeva a large 
circulos. Quando un accordo commercial con le Communitate
Europee era projectate in Finlandia ante 25 annos on poteva
vider demonstrationes contra le projecto. Le demonstrantes
intendeva que le plus forte banda a Europa significarea
infortiamento del influentia militar de America;
nonobstante le demonstrantes ipse era vestite in le jacos
del D-die del armea american e pantalones de denim de 
fermeros de mais american! Hodie multe circulos in nostre
economia face se culpabile de mesmo; illes dice super
Europa ma intende America, perque pro illes Europa como
un concepto cultural es quasi non-existente.

Vere, un idea roman existeva etiam in America del
Washington e Franklin e exactemente le U.S.A. ha un special
official Ordine de Cincinnatus, e in le urbe de Washington
il ha colonnadas e antique nove, ma isto aspecto del
americanismo non es in grado mentionabile mediate a nos.
Europa ha in troppo grande extension apprendite le America
moderne per cuje militaria, filmes e varie manifestationes
del su effectivitate economic pro trovar per America le via
retro a roman. Ma on debe anque facer clar pro se que le 
objecto non pote esser le retorno a antique ipse, sed illo
debe significa le pictura ideal que in su torno es un
equivoc e complicate creation del plure "renascentias" in
nostre continente. Ancora durante le tempore del Carolo
Grande "on revadera a antique", e isto historia de
retornos, ric de periodos, es emphaticamente le elemento
central in le conscientia del su e autoportrait europee.
Dunque le pictura del Roma remane illuminate e evalutate
incessantemente, de varie maniera.

Qualcunque es le cultura europee, alicun sorta de smalt
debe esser unguer super le relationes economic.
Functionante, tenace relationes social e economic pote
solmente nascer super fundo del profunde identification
cultural. Finlandia ha isto elementos ma illos non
floresce automaticamente e super toto non media se a nove
generationes. Dunque il es causa pro tote portatores del
valores del traditiones cultural europee de parer e
declarer se como hellenes e romanos.