In "Panorama" (maio-junio, anno 16, numero 3) appareva
iste nota:

"HARLEIGH KYSON JR., active usator de interlingua
in Long Beach, ha comenciate publicar le 10 de julio
'Interlingua, Long Beach', describite como 'un
publication informal pro incoragiar un interesse
general in le uso expandite de interlingua inter
californianos'.

"Le prime edition es de quatro paginas A4 e totalmente
in interlingua.  Illo contine un conto pro infantes,
'Le parve stella', un articulo super como le nove
technologia de publication electronic facilita le
uso e evolution de interlingua, e un adressario
de interlinguistas in California."

---

Ecce le texto de mi articulo sur como le nove
technologia de publication facilita le uso e evolution
de interlingua:

"In le era de Gutenberg, le publication ha essite
costose.  Un edition imprimite costa assatis moneta
que pauc autores descognoscite pote pagar le costos
de un libro con un edition de, que nos dice, 6.000
exemplares.

"Ma le publication electronic cambia omne isto.
Interlingua in interlingua
<http://www.geocities.com/hkyson>, pro exemplo,
es gratis e immediatemente disponibile a omnes qui
vole informar se sur le natura de interlingua.

"Nunc il non es necesse que un nove interlinguistas
recipe libros trans le systema international postal
pro comenciar lor studios de interlingua.  Illes
pote discargar le documentos de 'Interlingua in
interlingua' pro lor studios personal e imprimer
los pro classes de instruction o gruppos de studio
minus formal.  Illes anque pote discargar iste
documentos in Microsoft Word e rediger los como
illes vole si illes prefere altere formas
lexicogrammatic in lor proprie uso de interlingua."

__________________________________
Do you Yahoo!?
Yahoo! SiteBuilder - Free, easy-to-use web site design software
http://sitebuilder.yahoo.com