Post le introduction del euro in Italia on pote notar:

1- Un augmentation del inflaction de 2,2 - 2,3 al initio del anno al 2,8 - 2, 9 actual. Duisemberg, le presidente del Banca Central Europee (BCE), ha affirmate que le nove moneta ha securmente augmentate le inflaction in tote eurolandia o eurozona.

2 - Le commerciantes, le negotiantes, (multe inter illes) ha augmentate le precios de vendita del benes con simple ma forte arrotundamento total, causante in iste maniera un inflaction e un augmentation del expensas mensual de cata familia.

3 - Un problema commun al altere nation: essente le euro un valor non decimal del lira (1euro = 1936,27 liras) le italiano ha multe difficultate ha comprender le valor exacte de iste nove moneta. Nos pote siplificar ma con calculo mental es semper multo difficile calcular le cifra exacte. Assi quasi omnes usa ancora le lira pro haber un valor real del benes. Per exemplo, mi matre, solmente heri, pro le prime vice, me ha dicite un precio in euro; illa usque hodie, ha semper usate le liras como valor comparative.

4 - Problema practic ma multo psychologic pro le italianos: nos ha semper essite accostumate haber un valor del moneta minute multo basse; per ex. £ 500 = 26 eurocents, o in le ultime duos anno, nos habeva al maximo, e le moneta e le billet de banca de £ 1.000 = 52 eurocents. Le nove monetas del euro ha valores multo alte (1 e 2 euro). Assi, in iste maniera nos sembla haber multe monetas de poc valor, ma isto non es absolutemente ver! Nos non es ancora accostumate al centesimos e a su alte valores. Pro iste motivo que le opinion public italian volerea le introduction del billetes de banca de 1 e 2 euro. A nivello psychologic le billet de banca sembla haber un plus elevate valor! E quante monetas minus incombrante que il haberea in le portafolio!

5 - Solmente un minoritate es "euroviagiatores". Assi le possibilitate de viagiar in Europa sin cambiar moneta national e poter confrontar le diverse precios in euro es securmente un avantage (mi amicos qui ha vadite al estraniero, me lo ha confirmate), ma non totos ha iste possibiliate.

Nonobstante iste difficultates inital, le euro hodie es un belle realitate practic; un signo de unitate europee non solmente economic, ma historic e cultural. E in iste dies es un grande satisfaction haber in mano un euro e dicer: "Isto es un euro e vale plus que un dollar!"

An Il ha altere interlinguistas de eurolandia qui pote haber lor opiniones o curiose historias a narrar re le introduction del euro?

Luca Ghitti