[log in to unmask]
http://www.cheshire.net/~jjbowks/
~~~~~~~~~~~~~~~~~~~~~~~~~~~~~~~~~
SCARLATA: Un catta heroic...
E le vinculo materne per su filios.
Illa non era plus que un catta anonyme del strata con
curte pellicia, que habeva cinque cattones e essayava
superviver in le jungla urban del sector oriental de
New York. Illa habeva facite su focar in un garage
abandonate e in mal stato que esseva victima de multe
incendios suspiciose e frequente. Illa recurreva le
vicinitate perscrutante alcun alimentos inter le
immnunditias pro apportar a su crescente cattones.
Mais su situation esseva a cambiar radicalmente al
6:06 horas del matino del 29 de martio de 1996. In
le garage ubi le familia felin habitava il occurreva
un altere incendio suspiciose. Respondeva al
emergencia le Brigada de Rescatte #175 del pumperos
e tosto illes habeva le flammas sub control.
David Giannelli, un del pumperos, audiva le miaular
del parve cattones. Ille trovava a tres justo foras
del edificio; un altere, quasi al latere altere del
strata e le numero cinque, super le trottoir. Ille
notava que le cattones esseva troppo juvene per
poter escapar per se mesme--e como diceva le senior
Giannelli--le ardituras que illes suffreva esseva
plus e plus grave conforme al tempore que debeva
illes sperar le rescatte de su matre qui returnava
al edificio in flammas repetitivemente pro illes.
Le periodico de New York "Daily News" del 7 de april
de 1996 dava le sequente informe re le ubication e
le cura de convalescentia del matre: "Giannelli
discoperiva le mamma invertite de dolor in un vicin
parcamento de autos, le scena rumpeva su corde.
Illa habeva su palpebras tanto inflammate per le
fumo que illa non poteva aperir los. Le cosinettos
del pedes habeva suffrite ardituras grave e le foco
habeva lassate horribile marcas in le facie, le aures
e le gambas. Giannelli collocava con delicatessa
al mamma e le cattones in un cassa de carton que ille
trovava. `Mesmo si non poteva aperir le oculos--diceva
le senior Giannelli--illa contava los uno per uno con
le pede'."
Quando illes arrivava al centro veterinari "North Shore
Animal League", le catta debatteva se intre le vita e
le morte. Le historia continua: "Se combatteva le choc
con medicamentos. Un tubo intravenose esseva insertate
pro administrar antibioticos. Cremas antibiotic esseva
applicate in le ardituras. Depois illa esseva collocate
in un camera de oxygeno pro adjutar la a respirar, al
tempore que toto le personal del centro contenia le
respiration [...]. Al final de quaranta e octo horas,
le heroic catta poteva eriger se. Quando aperiva le
oculos tanto inflammate, le doctores poteva confirmar
que illos non suffreva damno serie".
Face un pausa pro reflecter. Dedica un instante a
visualisar in le mente iste matre intrepide,
instinctivemente temerose del foco, entrante in
un edificio plen de fumo pro rescattar a su parve
cattones, que miaulava pro auxilio. Le action de
entrar un vice pro extraher a su cattones sin defensa
jam esserea incredibile; mais facer lo in cinque
occasiones, cata vice con plus dolor, al continuar
suffrente ardituras in le pedes e le facie, il es
quasi inconcipibile. A iste valerose animal se le
appellava "Scarlata", jam que le ardituras faceva
visibile su pelle rubescite per le flammas.
Quando iste movente historia super le vinculo de un
matre per se filios esseva diffundite al mundo integre
desde le centro veterinari, le telephonos non cessava
de sonar. Plus de sece milliones de personas telephonava
desde sitos si distantiose como le Japon, Hollanda, e
Sud-Africa pro interessar se pro le sanitate de Scarlata.
De illas, mil cinque centos offereceva adoptar la juncto
con su cattones. Un del cattones moreva posteriormente.
Scarlata commove le cordes de multe personas de tote le
mundo. Hic un lection pro nos omne, pro appreciar le
vita e le sanitate de omne le infantes human in le mundo
hodie. Como iste mamma faceva tanto heroicamente.
Iste historia appareva in le revista:
"Evelia!" 22 septembre 1996
|
