Mario Malaguti wrote:
>
> Car Amicas e Amicos,
>
> scribe Chris Burd;
>
> <Si (Mario: si pro if!) le participantes in iste organisation ha bon
> argumentos e
> ideas, illes pote presentar los sin elevar le bandiera de "Academia". Le
> existentia de un tal Academia (o semi-existentia, viste que illo possede ni
> officios, ni empleatos, ni programmas de recerca, ni connexiones
> professional con organisationes scholastic recognite) non adde, non
> subtrahe ulle del valor de tal labores.>
>
> Ulle pro any, anyone?
>
> Pro me es le "Amicalmente" final que stride con le resto de iste message.
>
> Chris, in tu opinion, que ha un academia, in general, o que ha le UMI in
> comparation a tu lista hic supra?
>
> Tu ha promovite un belle thema. Qui proba a responder in iste lista re le
> UMI? Le union "mundial" pro interlingua.
>
> Tu lista es:
> < ni officios,
> ni empleatos,
> ni programmas de recerca,
> ni connexiones professional con organisationes scholastic recognite>
>
> Qui describe illos del UMI?
>
> Expecta! expecta! nos legera del belle novitates!
>
> Per favor, nos debe lassar que le UNI responde! O Chris!
>
> Ciao,
>
> Mario
>
Nos es in le promotion de interlingua dependente de lo que cata uno de nos
pote e vole facer. Lo que le UMI pote o vole facer o quanto de organisation
illo es, a mi aviso es totalmente sin interesse in le senso que ego me fide in
isto que UMI va facer lo que ego non pote facer. Le UMI consiste de personas,
qui (nota bene) face le labor voluntariemente, sin proprie profito (ganio) pro
avantiar le cosa de interlingua, le qual illes opina es importante.

Nunquam in le historia de linguas international ha il essite possibile que un
tanto grande percentage de un movimento pote participar activemente in usante
le lingua de lor preferentia. In le passato de papiro le metabolismo del
organisation era multo plus lente, si on non poteva forma clubs in le quales
on poteva exercitar le uso oral (parlante naturalmente) de interlingua.

In le mundo paperacee (?) il habeva un micre numero de personas qui scribeva
_articulos_ e un altere numero que legeva los. Nunc plus de personas scribe.

Le personas qui labora voluntariemente in le UMI organisa conferentias
(desirate esser mundial) e regional (como illos scandinave o Brasil-Uruguayan.
(Esque il non era un tal conferentia, Ensjo?)

Nos ancora non ha attingite le massa critic de membros qui pote - per su
moneta - formar un organisation a la unesco. Un unesco interlinguan esserea un
cosa! Un organisation que ha le resourses arrangiar partitas a coctail pro le
leones del sallones in Brussela e practicar le lobbyamento....

Per consequente, non demanda que UMI pote facer pro te, demanda que tu pote
facer pro le diffusion de interlingua. E non sia deprimite si tu ressourses es
multo pauc. In-si-mul nos pote mover montanias. E illo es simple. Usar, usar,
usar e ancora (justo) usar interlingua!

Amicalmente