Ante un o duo annos, un reporta in le notitias NPR (National Public
Radio) ha notate que ci in le SU approximemente 50% de oncologistas ha
recommendite cannabis a patientes. In multe casos isto es un cosa de
viver o morrir; cannabis es le sol droga utile pro restorar appetito e
permitter los haber le nutrimento que illos necessita pro recuperar.

In addition, cannabis es usate pro restorar appetito a personas qui ha
SIDA; pro reducir le pressura optic in personas con glaucoma, pro qui
in alcun casos cannabis es le sol cosa que pote salvar los de cecitate;
e pro altere usos medical.

Naturalmente, un governamento non ha le derecto de prevenir personas
de reciper un therapia essential (como, obviemente, al minus 50% de
oncologistas statounitese percipe!). E un corte supreme que jam ha
facite un coup d'etat contra democratia per prohiber que le votos de
tote votantes esser contate certemente ha necun derecto a insistir que
personas con maladias potentialmente fatal debe morrir pro rationes de
politica.

Therapeuticamente,
-Julio

----- Original Message -----
From: STAN MULAIK <[log in to unmask]>
Date: Wednesday, August 8, 2001 3:27 pm
Subject: Re: Uso de certe medios in le Statos

> Le usage medic pro cannabis esseva le reduction in nausea
> resultante de chemotherapia in patientes con cancere.
> Le Corte Supreme del S.U.A. diceva que le lege contra su
> distribution clarmente interdiceva tote le formas de
> distribution, o medic o non.  Le lege debe esser
> modificate pro facer legal su distribution pro iste
> usages medic.  Le Corte non poteva facer iste modificationes.
> Solmente le Congress pote facer lo.
>
> Stan
>