Car amicos,

Io es multo interessate in le importantia e influentia del religion in le
vita del homines in le curso del tempores. In particular io es interessate
in le periodo del christianismo nascente del prime seculo. Tote un serie de
questiones continua a  occupar me. Qui esseva le ver Jesus? Qual esseva le
rolo de Paulo? Qual esseva le objectivo del autores del evangelios? Ha il un
differentia fundamental inter le ideas del prime adeptos judee de Jesus in
Jerusalem (inter le annos 30 e 70) e le christianos non-judee foras de
Jerusalem in le imperio roman?

Recentemente io ha legite un obra magistral de un juvene autor nederlandese
Thijs Voskuilen. Ille ha scribite su "Alias Paulus" in anglese; postea ille
lo ha traducite in nederlandese. In iste libro Voskuilen exprime le opinion
que le conception religiose del christianos judee in Jerusalem esseva in
facto un variante del judaismo, lo  que exclude p.ex. que Jesus poterea
esser un ver filio de Deo, que Jesus acceptarea le domination del romanos in
Palestina, que Jesus volerea eliminar mesmo un jota del lege mosaic, etc.,
etc.

Paulo ha create su "christianismo", secundo Voskuilen, super le vage
reminescentia al Jesus de Palestina, ma super toto super le conceptiones que
ille trovava in le religiones non-judaic existente in le imperio roman de su
tempore. De iste religiones Paulo ha prendite le ingredientes de un nove
religion que se monstrava completemente incompatibile con le religion judaic
e dunque con le ideas de su adeptos in Jerusalem.
Io va citar un numero de iste ingredientes que Voskuilen enumera in su
libro:
1.



Salutes amical de
Piet Cleij
www.interlingua-nl.com