Car Amicas e Amicos,

gratia a un amico de iste lista qui discontinuemente me scribe in privato, io
jam sapeva que nostre Ensjo debeva cognoscer le japonese e, finalmente,
ille ha
trovate le occasion pro dar nos un mostra.
In iste menses io ha laborate super iste thema con duo amicos japonese qui non
sape de Interlingua, o lingua in general, ma qui me ha dedicate un poco de lor
tempore pro amicitate. E nos ha laborate con un lingua como le japonese que es
distante annos lumine ab nostre logica, e totevia hodie io ha vermente
publicate le prime pagina del curso pro le pueros etiam de lingua matre
japonese.
Gratias a Kjell Rehnstrom qui se ha declarate disponibile e gratias a Ingvar
Stenström qui me ha inviate un message de incoragiamento, forsan io habera le
mesme curso etiam pro le pueros le lingua matre svedese e nos serea a tres:
italiano, japonese e svedese.
Arturo, io spera, me adjutara con le espaniol e forsan con le anglese e io
conta in Ensjo pro le portugese. O io ha, forsan, uno o duo reservas in area
brasilian. Pro le francese e le germano forsan io ha duo ressources, et
cetera.
In plus le adjuta de Ingvar, como illo de Kjell e de Ensjo, darea al curso un
fiducia pro Interlingua que es le lingua de ver interesse pro iste curso.
Le section svedese, in ultra, ha membros de lingua matre japonese e etiam isto
es un proba que Interlingua ha un intrinsec potentia pro invader le mundo.
In mi listas io ha ancora poco, ma io ha ora tres membros qui non proveni ab
Interlng.
Ensjo, amicos, io vole dicer que solmente le labor de omne die nos portara
a un
resultato pro Interlingua.
Alora nos debe considerar Focsani non le gymnasio pro un immersion in
Interlingua, ma pro le aspectos politic del thema.
Vos debe leger con attention le Statutos del UMI e prestar attention al
aspecto
politic de illo que es le conferentia biennal del UMI.
Io expecta le momento, forsan deman si alteres non lo facera ab su position
institutional, pro annunciar le evento principal que deberea intervenir a
Focsani.
Io vos petera de elevar vostre protesto si on non habera jam ora observate le
Statutos del UMI.
Isto enoia vos?
Io me regretta.
Le futuro de Interlingua passa pro su politica de hodie e le participation al
politica es un nostre deber de cives.
Crede vos que io es solmente un persona enoiose? Proba vos a considerar me un
attente observator. Forsan le aspecto cambia etiam pro vos!
Car Ensjo, mi projecto pro un curso de Interlingua pro le pueros non debe
expectar un conferentia. Illo se compli die postea die con le proposito de
recercar coautores.
Isto non es un novitate ab me in iste lista e in Il Strat.
Me ha tu jam readmittite Ensjo? Esque tu ha problemas?
Le novitate es que io in omne caso vade in avante sempre aperite al coautores,
ma non plus implorante le coautores.
A Treviso nos tene cursos de italiano pro le immigratos ab Europa Oriental,
Asia, Africa, Centro e Sud America.
Amicos, forsan io a Treviso ha mi melior base operative pro Interlingua como
lingua facile e "propaedeutic = io non ha trovate un termino Interlingua, isto
es anglese" pro le italiano que es toto, excepte que esser facile.
Le assistentia linguistic al immigratos es un problema europee e, amicos, iste
es un thema pro Interlingua.
Expecta vos Focsani e le schola institutional?
Forsan vos perseque un chimera.
Io cerca de laborar omne die pro Interlingua proque io crede in Interlingua. E
io non crede a illes qui ha dissipate 50 annos!
Io crede in lor possibilitate de cambiar de conducta. Isto si, sempre, io lo
credera.
Es vos, amicos, qui mal comprende mi messages, ma non es illes al quales illos
es vermente dirigite.
Illes comprende e como!
Illes simula solmente de nihil.
Ma isto non es ver, illes es in le via de corriger se.
Illes non ha escappatoria!
Vostre Oncle Ab

Ciao,

Mario Malaguti
mailto:[log in to unmask]