Arturo quere (face questiones) quanto interlinguistas il existe. Io non
sape. Il naturalmente essera amusante si omne le organisationes national
publicarea le numero de membros e on poterea haber alcun idea de quante
interlinguistas il existe in le mundo.

Del altere latere io ha transite de esperanto con un movimento de al minus
40 000 membor collectivemente adherite al organisation, e io es certe que
il non del toto ha tante personas qui parla interlingua, ma isto non es
tanto interessante. Lo interessante es que _io_ Kj. Rehnström pote usar
interlingua como un alternativa al ubiquitose anglese.

Le UMI es le organisation que diffunde interlingua secundo le
possibilitates existente. Toto es dependente de quanto personas pote facer
le labor.

Quanto al conferentias io los ha visitate pro vider un altere pais e
incontrar mi nove amicos de interlingua e parlar iste stupende lingua con
personas de varie paises durante un septimana.

Isto es lo interessante pro me.

Le critica del statutos de Mario io comprende assi que ille pensa que illos
non es observate. Il es possibile que le statutos del UMI es un costume
troppo grande pro un troppo parve persona. Que nos face lo possibile con lo
que es!

Nos es le UMI e lo que nos face e pote facer es lo que es importante.
Personalmente io ha probate facer lo que io pote. Io non vole exiger que
personas face tal cosas pro le quales illes non ha un inclination.

Propositiones que alteres pote facer nos potera realisar quando le
organisation ha infinite ammontas de moneta. Usque ille momento nos debera
cata uno facer lo optime que nos pote facer.


[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35