--- Stanley Mulaik <[log in to unmask]> wrote:
> Ben que io es de accordo que multe religiones,
> specificamente
> religiones del fundamentalistas de tote major fides,
> es basate super
> superstition, io non es preste a dimitter tote
> religion como un
> fallite activitate de humanitate.  Mi conception de
> religion pote
> comprehender communismo, militante humanismo,
> fascismo insimul con
> le baptistas, le shi'ites, le sunni, le hindu, jain,
> buddhista e
> zen, etc.. Tote istos representa human preoccupation
> con le
> significantia de vita, que il existe alque e non
> nihil, e le
> question, que debe un persona facer pro viver un bon
> vita, e proque?
>
> E io crede que quando personas confunde un cosa
> finite, sia un
> idolo, un causa, un libro 'sacre', un scopo personal
> como le moneta,
> poter, fama e reputation o admiration public, como
> si illo es le
> objecto de su interesse e preoccupation ultime, como
> si illo es un
> objecto sacre in su vita, alora ille es, in le
> phrases de theologos,
> idolatrose.  Ille ha confudite un aspecto de
> realitate con le
> fundation de realitate, que il ha un realitate e non
> nihil.  Nihil
> de iste cosas finite pote ultimemente esser le
> objecto de su
> preoccupation ultime.  Mais cata cosa finite pote
> esser le foco de
> su preoccupation ultime. Cata cosa finite representa
> que alque
> existe in loco de nihil. Illo pote representar un
> aspecto de iste
> preoccupation ultime.  Le amor, symbolos del amor,
> un Jesus qui
> mori super le cruce pro salvar humanitate, un deo
> qui se sacrifica
> que tu pote viver e esser salvate, un acto
> beneficente representa
> que le realitate, tu, es bon, es sustenite e
> asserite contra nihilo
> e morte.  Illo es le esser contra non-esser,le vita
> contra morte, le
> amor contra odio. Istos es aspectos de realitate que
> monstra que realitate
> es sustenite contra oblivion e nullitate. Le
> nascentia de un catton,
> un baby, monstra que vita continua, malgrado morte,
> generation post
> generation, era post era.  Le idolatria es quando on
> confunde le
> objecto que es le foco de tu preoccupation ultime
> con le ultime
> mesme.  E on sape que illo es un idolo si tu debe
> sacrificar te
> e le unes que tu ama tal que illo pote exister.  Un
> deo que se
> sacrifica pro tu es un symbolo ultra que il non ha
> un ultra que
> tu vita, tu existentia, tu esser es amate, es bon,
> es asserite
> contra morte e tote inflictiones.  Symbolos de Matre
> Natura ha
> un similar effecto, proque illo es le matre que
> assere le vita
> de su infante e qui va sacrificar se pro su infante,
> que revela a
> nos que vita, que existentia es bon e sustenite per
> le poter a esser.
>
> Theologicamente o philosophicamente,
> Stan Mulaik

---

Multe personas non pote acceptar lor mortalitate, e
iste es le motor principal que genera nostre
religiones.

Il ha devenite multo obvie que nostre personalitates
es un function del circuitos neuronal de nostre
cerebros.  Quando nostre neurones mori, nostre
personalitates anque mori con illos.

Iste processo pote occurrer instantemente o de un
maniera plus gradual.  On pote observar le evolution
lente de iste processo in le deterioration gradual de
personas con Alzheimer's o con altere maladias simile.

Io es ver que le mythologias national del Union
Sovietic e del Statos Unite es anque phenomenos
religiose secular.  On sovente invoca tal mythologias
pro justificar actos a vices cruelissime, como in le
caso del imperialismo europee e american.  Tal
invocationes es multo simile al invocationes theologic
del catholicos pro justificar le inquisition.

Post le publication de "De revolutionibus orbium
celestium" nos gradualmente ha apprendite que nos es
un epiphenomeno de nulle importantia al universo.

Iste processo se ha accelerate durante le seculo XX.
A causa del discoperimentos in le astronomia de iste
seculo il es impossibile evitar le conclusion que le
vita es un epiphenomeno rar e fragile in le universo.

E le discoperimentos in le biologia que ha comenciate
con Darwin indica fortemente que le emergentia del
vita sur nostre planeta es un processo ancian, cec, e
aleatori.  Le sol scoppo del vita es perpetuar se
cecamente si illo ha le medios de complir isto.

Nos nunc sape que le evolution del vita sur nostre
planeta anque es un processo fragilissime que a vices
ha essite interrumpite de manieras drastic con
eruptiones volcanic e collisiones con
planetesimales--altere processos aleatori commun in le
formation de planetas e de systemas solar.

Multe personas es pauc comfortabile con iste
circumstantias que forma un parte fundamental del
condition human.  Pro oblidar los, illes se perde in
religiones de diverse typos, le quales ha
characteristicas multo simile a psychoses.  Il anque
es ver que multes qui ha formate le doctrinas de iste
religiones probabilemente esseva schizophrenic.

A causa de iste circumstantias, io conclude que le
religion es un activitate fallite del humanitate.

__________________________________
Do you Yahoo!?
The New Yahoo! Search - Faster. Easier. Bingo.
http://search.yahoo.com