Allan Kiviaho wrote:
> [Allan 970805]
>
> He he (e e)!
>
> E nos primitive finnos de taigas de Eurasia del nord pensa que il es
> amusante que le franceses non pronuncia le "H". Perque detesta le
> franceses le povre "H"? Gaius Iulius Caesar, Cicero, Horatius (non
> Oratius) etc. pronunciava "H" multo clarmente.
Car Allan, io non sape proque le personnas parlante francese in Francia,
Belgia, Quebec... detesta le povre "H". Como iste personnas son
secretemente tote monarchiste, io non pote comprender lo que se passa in
lor spirito (io es marxist-feministe), ma pro le suissas, io va te
explicar TOTO : in "La douce Romandie" (le dulce Romandie = le dulce
parte francese del Suissa), le viros conserva lor sufflo pro cantar
serenadas a lor "beloved", e le feminas ha un tal emotion quando illas
audi le serenada, que illas perde lor sufflo e pote solmente dicer :
oooooooooo !
Io pote dar te un prova grande que lo que io te dice es ver : in
interlingua, on debe pronunciar le "H", lo que besonia multo sufflo,
alora, le parola "beloved" non existe in le dictionario "Concise
English-Interlingua Dictionary" de Gospill e Sexton. Tu pote reguardar
tu ipse ! Esque illo non es un consequentia tragic ?
> Como un suissa tu, Anne, certemente ben sape, que tu barbaric sorores e
> fratres in Switza Teutonic (In der Schweiz) ha un extrememente forte
> "H".
> E.g. "danke!" (gratias!) es pronunciate in schwiizerdu"tsch:
> "danKKKKKHHHHHHe". Gutturalismo
> maxime!
Si, si, illo es terrrrribile. Esque tu te memora como esque illes dice :
Kreuz, Krone... HHRRRRRRrrrrrrütz , HHHHRRRRrrrone. Tu sape nunc
proque Paolo Castellina se cela in un parve village del Suissa italiana,
ille non vole que su aure musical sia rupte.
> [Io ha laborate in Helvetia (Zug) 19 menses (1983--5)...]
Vermente ! 19 menses !!! oooooooo! Ma que esque tu ha facite pro meritar
un tal punition ???
Ben, nunc, io comprende que io deberea pronunciar le H in interlingua.
Io ha facite un parve exercicio e io pote pronunciar :
hoho hehe hihi haha huhu ... ma, dice me, por favor, como esque tu
pronuncia :
oh eh ih ah uh sin suffocar ?
Amicalmente,
HHHanne !
|
