Non solmente in Brasil sed etiam in tote America Latin on se refere
como "americanos" pro le habitantes del Statos Unite.
In interlingua on pote etiam dicer lo ! Americano, sia pro le statouniteses
sia pro le altere populos - canadiano, mexicano, brasiliano, argentino,
etc,etc,...
Il es un avantage in plus del polissemia - diverse significatos de un
parola, sequente le naturalitate del linguas fonte. Io jam legeva etiam le
parola "yanke, o yankese" pro tal habitantes nordamerican; tamen io non
sape si isto es ethnicamente acceptabile al statouniteses. Il es
interessante que le Statos Unite es le sol pais del Americas que non ha un
nomine proprie unic como le restante nationes. Tamen, le diverse statos que
forma le SUA seque le costume general: californianos, texanos, novyorkeses,
virginianos, georgeanos,(o georgianos - del pais asiatic Georgia?), etc.