De "Euro MP", novas del socialistas in le Parlamento Europee.
Traducite in Interlingua

FACTOS VITAL DE FEMINAS

Feminas danese e irlandese ha le plus basse expectation del vita in le UE
secundo un studio del Commission super le sanitate de feminas.

Un reporto super le sanitate de feminas pro le debatto al PE super
Die International del Feminas le 8 de martio appelle al consideration
del santitate in rediger le politica del UE.

Le studio del Commission ha revelate que feminas danese pote expectar
a viver a 77.8 con feminas irlandese a 78.6 annos.

Le feminas brittanic e finnese es preoccupate le plus super lor peso.
Le reporto trova que plus que un medie de illas es malcontente con lor
peso corporeal.

Plus que un tertie (35.8 pro cento) del feminas de Luxembourg es a dieta,
justo un poco in avantia del grecas (35.7 pro cento) e brittanic (34.6)
pro cento.

Tal questiones del sanitate levate in le reporto es ligate al obligation
del tractato del UE a assecurar 'un alte nivello del protection del
sanitate human ... in le definition e implementation de tote le politicas
e activitates del Communitate.'

Le reporto accentua le problemas social del sanitate tal como le disordines
de mangiar, le planification del familia, le sanitate reproductive e le
abortion, le menopausa e le violentia.  Ramificationes del sanitate public
debe esser prendite in le consideration, dice le reporto, quando nove
politicas es redigite.

LE FURIA DE GLENYS CON LE STATOS UNITE SUPER LE BANANAS

Glenys Kinnock de Labor ha exprimite ultrage al imposition statosunitese
de sanctiones commercial super benes europee in su disputa con le UE
super le importos de bananas.

In question es accesso preferential al mercato europee pro le cultivatores
caribe de bananas.

Sra. Kinnock accusava le administration american de usar le regulas del
Organization Mundial de Commercio como un fortia irresistibile per le
qual le nation le plus ric in le mundo va applattar le vulnerabile le plus.

Illa diceva 'Nos non pote eviter de sentir que le politica commercial
american es conducte per companias multinational statosunitese e per le
Congresso.

Illa addeva:  "Nos remane confundite super le maniera in que nos ha
attingite iste situation quando America non exporta le bananas e quando
le cultivatores de bananas caribe dar conto de solmente tres pro cento
del exportos mundial de bananas e representa solmente septe pro cento
del mercato europee - lor sol puncto de vendita."

Facente referentia a un menacia al industria cachmir scotese del tarifas
provisional del SUA, Sra. Kinnock diceva: "Iste gentes ha necun connexion
con le disputa de bananas e il es totalmente impertinente a facer les le
scopo in iste maniera."

"Le action ha necun legitimitate del OMC e il es incredibile que pro le
beneficio de attender circa duo septimanas, le SUA pone tanto cosas
a risco - includente le relationes transatlantic."

Visita le sito in le TTT http://www.interlingua.com
Traducite per Stan Mulaik