Car senior Edwards,

Io non comprende vostre impatientia.

Heri io ha recipite vostre commanda e immediatemente io lo ha imprimite e
lo ha inviate per posta normal al Servicio de Libros, que non ha connexion
con le Internet. Le gerente del Servicio, Frits Goudkuil, recipe le
formulario in le curso de iste die. Alora ille va preparar le factura, que
ille va inviar me. Dunque deman o postdeman io potera inviar le factura per
posta electronic a vostre adresse.

Pro pagar le factura, io vos pete de consultar le instructiones de
pagamento que vos pote trovar in le "Bibliographia de Interlingua" in le
sito del UMI. Le maniera le plus simple e sin costos extra es inviar le
amonta in dollars de papiro in un inveloppe clause al Servicio de Libros
UMI, Zonnegloren 30, 7361 TL Beekbergen, Nederland.
Post reception del moneta, Frits Goudkuil va expedir immediatemente le
libros desirate a vostre adresse postal.


Salutes amical de
Piet Cleij
www.interlingua-nl.com