Harleigh Kyson Jr. wrote:
>(...)
>
>Il es importante notar que Saddam Hussein esseva
>nostre filio de puta quando nos le usava como un
>surrogate in un guerra nostre contra Khomeni in Iraq.
>Nos anque incoragiava su uso de armas chimic in iste
>guerra contra Iran.
>
Io non ha facite specialisate studios de isto e basa mi opinion in lo
que io ha audite de nostre radio national, legite in le rete o in un
occasional jornal.
Mi conclusion es que il es riscabile usar un persona mal pro eradicar un
altere persona mal. Forsan il habeva un tal trauma in le opinion public
in le Statos Unite post le occupation del ambassada american in Teheran,
que on habeva le supporto de un grande majoritate in le opinion public
pro supportar Irak.
Si mi memoria servi ben, le ostages era liberate le mesme die que Ronald
Reagan assumeva le posto de presidente. Forsan futur historicos va
trovar interessante ligamines inter le "campo Reagan" e le
"prendeostages" in Teheran.
Ante alcun annos io audiva un intervista con un del "studentes" iranian
qui habeva participate in le occupation del ambassada american. Ille,
como io lo recorda, non regrettava iste occupation, ma era in favor de
un reassumite dialogo con le Statos Unite.
Anque il ha le information que le israelianos supportava Hamas como un
contrapeso al organisationes leve/sinistre in le territorios occupate.
Religion contra le terror, si illo es leve (sinistrre). Le resultato de
un tal allegate politica nos videva i.a. heri, quando un bombero
assassino se faceva crevar in un autobus in Jerusalem.
>Il anque es importante notar que Al Qaeda es anque un
>organisation que le Statos Unite creava pro luctar
>contra le russos in Afghanistan. (Illes usava
>surrogates pro luctar contra nos in Viet Nam, e nos
>creava Al Quaeda pro luctar contra illes.)
>
Ancora un exemplo del risco supportar organisationes religiose in un
ludo politic. Lo que le americanos forsan non comprendeva era que multe
del partitos leve era in realitate un parte del processo de urbanisation
in multe paises.
Pro personas qui veniva de un ambiente rural al urbes un partito
socialista era le natural ambiente, nam si illes habeva solo su cerebro
e su duo manos le via capitalista non aspectava un viabile alternativa,
nam le climato pro interprenditores non es favorabile in multe paises;
tu face un fortuna proque tu ha le contactos, non principalmente pro tu
intelligentia. In iste situation un partito comunisante o marxista es un
satis natural ambiente in le qual functionar.
>Ma nunc iste activitates maligne comencia haber
>consequentias contra nos--un processo que nos nomina
>"blowback" in anglese. E vermente le Statos Unite
>merita le consequentias de iste actiones criminal
>nostre.
>
Nulle merita tal rebattos, nam "tu americano" o "tu isralian" non
necessarimente era le inimico. Como le historia de un vetere judeo,
habitante, forsan in un colonia in le territorios occupate. Durante 30
annos habeva ille cata die visitate un restaurante arabe ubi ille bibeva
su cafe nigre in le typic tassettas micre, certo, ille cognosceva le
proprietario del loco e tote su familia. Subito un die ille era
assassinate per un terrorista arabe, qui certo sentiva que ille habeva
facite un importantissime action pro le liberation de palestina.
Il es sempre le humano civil qui debe suffrer pro le actiones de
governamentos o terroristas. Io non es impressionate.
>---
>
>Ecce un parve lista de filios de puta:
>
>Mobutu de Zaire (un filio de puta nostre)
>
>Mugabe de Zimbabwe (un filio de puta independente)
>
>Ian Smith (un filio de puta de origine europee que
>veniva ante Mugabe)
>
>Idi Amin (un filio de puta independente)
>
>Augusto Pinochet (un filio de puta nostre)
>
>Pol Pot (un filio de puta independente)
>
>Adolf Hitler (le sancto patron de filios de puta)
>
>Francisco Franco (un filio de puta qui habeva le
>intelligentia de non forgiar un alliantia con Hitler
>ma que dava a Washington lo que illo voleva post le
>Secunde Guerra Mundial, deveniente un filio de puta
>surrogate american)
>
Josip Broc "Tito". Mesmo secundo ille Yugoslavia habeva le plus grande
numero de prisioneros politic del mundo.
Nostre television monstrava ante c:a 10 annos un interessante film
britannic in le qual on monstrava le enormemente habile propaganda que
menava Tito e su partisanos verso Anglaterra e le altere alliatos in le
guerra mundial. Io non ha controllate le partialitate propagandistic in
iste film, ma illo habeva un interessante tendentia, nonobstante.
A proposito il ha nunc in television egyptian un telenovela basate sur
le "Protocollo del sages de Zion"!
Dicer que nos vive in un mundo bisarre vermente non es le plen veritate!
Io me permitte un vacantia de iste sordide historia pensante del populos
grec e turc sur Cypro, qui malgrado le voluntate de lor politicos ha
forciate le frontiera inter le duo partes de insula, Grecos visita
turcos e vice versa. In alcun casos on face recambios de casas que on
debeva quittar. Io spera que omnes qui sole precar a Deo include le
durante pace inter le turcos e grecos sur Cypro in su precationes.
Kjell R
|
