Car Stan e alteres,

Stan, vos ha me directemente adressate in duo messages in iste foro re
questiones linguistic in INTERLNG. In practica il se tracta del duo
topicos que ha un connexion: le usage de INTERLNG e experimentos
linguistic.

1. Le foro INTERLNG esseva create partialmente pro novicios a exercer
scriber interlingua e reciper critica e consilios, si desirate. Io opina
que iste aspecto es quasi oblidate e que novicios a pena non osa scriber
in INTERLNG a causa del domination de cosas linguistic inter un parve
numero de participantes. Io ha proponite tal participantes a mover in un
altere foro. Si Stan trova lo inconveniente, io non ha plus a adder.

2. Io ha exhortate participantes in INTERLNG a usar phrases e parolas
que es listate in dictionarios como IED e in le dictionarios de nostre
veteranos. Isto es pro facilitar pro novicios a participar. Nove
constructiones - sin o con del principios de Gode - va confunder tote
participantes e particularmente novicios. Isto es un cosa practic e
non un "purismo conservative" de me. Naturalmente un lingua non es
static e besonia nove parolas e phrases pro nove phenomenos e dunque
activitates experimental es benvenite. Io etiam ha recommandate
interessatos a livrar lor resultatos como propositiones a nostre
comission linguistic. - Sed io non trova INTERLNG apte pro tal
experimentos e discussiones.

Amicalmente

Jan

--
Jan Årmann/Jan Armann
Generalsgatan 12 E; S-903 36 UMEÅ/UMEA, Sverige (Sweden)
Tel & Fax +46 (0)90771525; e-mail:
[log in to unmask]; [log in to unmask];
[log in to unmask]; [log in to unmask]
ICQ - UIN nr:785745;
http://www.algonet.se/~armann