>Car Stan, Amicas e Amicos,
>
>Stan: Vegetales geneticamente modificate non ha revelate alcun problemas aqui.
>Mario: E le committee de benvenita que on ha a Seattle hodie, que pensa
>illo? Iste contestatores!

Le protestos a Seattle es un total surprisa al majoritate de Americanos.  On
non sape de ubi veni tote iste protestatores.  Mais hodie nos ha un plus clar
intendimento.

Il ha actualmente multe gruppos diverse qui ha jungite se in participar in
le protesto. Il non es un sol question que les unifica.  Il ha illes qui
protesta contra le damno al ambiente, alteros qui protesta contra le
capitalismo, alteros qui protesta contra le maniera in que le WTO pote
superar leges del Statos Unite in constatar standardes de sanitate public,
de labor de pueros e pueras.  Le uniones de labor protesta proque le
capitalistas pote prender lor fabricas a altere paises ubi il non ha le
mesme standards de tractar le labor como in le SUA.

Io opina que generalmente le protestatores vole indicar lor protesto in un
maniera pacific, mais il ha certe pauc individuos qui vole usar le violentia,
proque illes vole retornar al dies de protesto del 1960s e 70s proque illo
es le cosa "romantic" a facer lo.

>Nos pretende que iste productos sia certificate ab le origine como
>manipulate geneticamente. Postea le lege del demanda e del offerta facera
>su curso, exactemente como in le logica del mercato statounitese.
>Produce vos carnes con le anabolisantes e nanipula vos geneticamente le
>productos? Vos debe offerer iste productos con lor characteristicas
>declarate. Isto es bastante.
>
>Stan: On crede in le Statos Unite que le Europeos usa iste timor del
>vegetales modificate geneticamente a prevenir le libere excambio de benes
>per excluder los de Europa.  Il es un altere exemplo del timor del
>incognoscite.
>Mario: Nos non ha haste, si nos non debe necessarimente hastar. Le
>commercio es arte europee e del Asia ab qualque millennio e illo non
>supporta impositiones.

Heri il habeva un programma de NPR (National Public Radio) super iste
topico mesme.  Io lo discoperiva quando cercante le novas heri nocte.

Il pare que in multe casos le productos manipulate geneticamente es mesmo
plus secur que le natural.  Le expertos dice que il non es differente que
le disveloppamento de nove varietates per le propagation de nove racias
de plantas e animales, como in le maniera que on ha create multe racias de
canes domestic del specie de lupo.  Lo que es importante non es le maniera
in que le nove plantas se originava, mais lor characteristicas como
comesibiles, etc.. Isto es determinate per tests extensive.

On dice que le oleo de canola es naturalmente incomestibile.  Mais post
manipular su genos a remover los que lo face indigestibile, illo es un
excellente oleo pro salatas que es beneficial al homine.  In multe casos
le specie manipulate geneticamente es plus resistante a certe infectiones
e infestationes, que face possible le decrescite uso de pesticidas, que
reduce le mal effectos de aquello quando le planta es usate como nutrimento.

Io opina que le publico time lo que illo non pote comprender, e le meravilias
del scientia moderne es un mysteria que multe individuos time.  Illes
a vices cognosce un caso ubi un scientista ha facite errores inexpectate,
e illes amplifica lor possibilitate de occurrer toto foras le realitate.

On dice que medicos occide per errores 45.000 cata anno in hospitales del
Statos Unite. Aquello es mesmo plus que le numero de personas occidite per
fusiles, mais necuno protesta contra le medicos o mesmo iste errores.
Possibilemente in le futuro on lo va facer.

>
>Stan: Mais nos es felice de vender tobaco al europeos, que nos usa minus e
>minus.
>E le tobaco clarmente es periculose al bon sanitate.
>Mario: Anque le substantias allucinogene face mal, ma non totos los assume
>e on debe voler assumer los.
>
>Stan: Le Europeos ha un plus grande timor real a tractar, le reactor
>nucleari fallite a Chernobel.
>Que face illes pro pagar le Ukranianos a disactivar lo?
>Mario: Nos carga le estufa con le melior tabaco, accende le pipa, postea
>nos appoia nos contra le parapetto del ponte e nos resta a observar le aqua
>que passa subtus.

Non cader! Non saltar!

E on paga le precio de accrescite premios pro le assecurantia medic a causa
del multe maladias del tobaco.

>Quando le Ukraina sera prompte pro aderher al Union Europee, nos videra
>illo que totos debera facer. Assi sera pro le Russia.

Mais mesmo si le Ukraina non es un pais europee, le existentia de su
reactores nucleari fallite impericula le Europa.  Vos non pote attender le
die quando le Ukraina deveni europee pro adjutar le ukrainos a solver iste
problema. Il non es justo lor problema, mais un problema pro Europa.
Le Russos, qui esseva responsabile pro le reactores ha partite de Ukraina.
(E le Ukrainas usa le existentia de iste reactores pro intimidar le Europa
a dar los le moneta).


>De iste parte del mundo le populos es millennari e nos ha necessitate de
>nostre tempores. Illes qui era pur emigrava in le Nove Mundo como
>pelegrinos e ha fundate lor nove societates.
>In Europa e in le ripas del Mediterraneo nos resta plus complicate. Nos
>omne cinquanta o vinti-cinque annos celebra un giubileo, ma pro cambiar le
>minus que a nos es possibile.
>
>In Italia nos ha votate un referendum e nos non ha volite le centrales
>nuclear. Un decision de nostre populo.
>
>Spaghetti e macaroni,
>

Spaghetti e macaroni geneticamente manipulate!

Ha un bon die, Mario!

Stan