[ "Interlingua pur". Un eventual nove lista semi-aperte]


Cellus scribeva:
***Ego es in principio contra un tal lista.*** 

Nulle problema, simplemente omitte facer te membro. Un tal lista esserea solmente pro illes qui senti le besonio. Io imagina specialmente le interlinguistas qui primarimente LABORA practicamente e durmente pro le diffusion de Interlingua. a) Illes generalmente non senti ulle besonio de discussiones sophisticate/theoretic de detalios linguistic, b) ma illes in lor labor inevitabilemente incontra questiones linguistic (como ecprimer "..." in bon e clar interlingua?), c) pro isto illes besonia poter consultar co-laboratores pro suggestiones sobrie, objective, moderate, practic, sin inutile guasto de tempore, d) pro poter obtener resultatos practic (nove interessatos, membros), e pro rationes pedagogic (manuales etc. non troppo divergente) illes senti le besonio de un interlingua "standard", "official" (expression de Gode), "normal" (nota, per favor, mi uso de signos de citation), in practica: un usage relativemente similar sin exaggerate variationes individual.

***Le cosa es que nos ipse debe practicar autodisciplina.***

Exactemente! Pro isto il esserea necessari poter excluder personas qui non pote o vole exercer le necessari autodisciplina. Sin iste autodisciplina le lista perderea su valor.

***Certe variantes de interlingua es causate del horizontes lingual del usatores e on debe poter tolerar un certe variation.***

Naturalmente. In mi "idea" es nulle intention contrari a isto.

Bent