Ben que WIKIPEDIA <http://ia.wikipedia.org> es le projecto le plus
cognoscite del Fundation Wikimedia, illes ha altere projectos, inter le
quales Wikibooks e Wikisource.

WIKIBOOKS <http://www.wikibooks.org/> es un sito pro le disveloppamento e
publication de libros pedagogic a contento libere. (Isto pare esser un sito
appropriate pro le historia de Brasil que Harleigh veni inviante a INTERLNG
recentemente.)

WIKISOURCE <http://www.wikisource.org/> es un sito pro le publication de
textos original, historic, etc. de dominio public. Vide
<http://sources.wikipedia.org/wiki/Wikisource:What_is_Wikisource%3F>. (Isto
es un sito appropriate pro cosas como traductiones del Biblia, de Don
Quixote, etc.)

Le operation de un Wiki realmente non es complicate. Le prime section de
iste pagina: <http://ia.wikipedia.org/wiki/Wikipedia:Como_formatar_texto>
te da le cognoscentia basic que tu pote usar in tu publicationes.
Posteriormente tu apprende a utilizar ressources plus sophisticate.

A revider,
Ensjo.