Salute!

Arturo, tu pose le question quante parlatores del nostre, belle
interlingua il ha, in veritate io non sape, e io crede que nulle persona
lo sape ma io es secur que le numero deve ser multo plus grande.

Mi lingua materna es norvegiano e io jammais credeva que io pote scriber
e leger un lingua romanic tante ben como io commanda i-a. Io ha, como
alteres, parlate i-a a hispanophonos e francophonos e trovate que illes
comprende, sin grande difficultates, i-a sin previa conoscencia. E iste
es importantissime; i-a pote pro romanophonos servir como un "lingua
franca" inter illes e render anglese superflue como lingua de ponte.
Iste crede io es le futuro plus interessante pro i-a: Si le romanophones
vole illes pote usar i-a como lor lingua commun in le futuro e i-a
tamben pote servir como un lingua ponte al linguas non-romanic. Io, como
parlator nativo de un lingua germanic pote usar i-a como un ponte al
romanophonos o al linguas romanic. Pro me como autodidacto in linguas
romanic i-a ha causate que io pote illes comprender multo melior que
antea e ha tamben meliorate mi consciencia del anglese e de mi proprie
norvegiano.

I-a ha un potential que es enormissime, e cata persona docte del
occidente pote compreder i-a lingua totalmente o partialmente sin previa
studia e in mi opinion iste face le numero del interlinguaparlantes
plure centos de milliones, ben que le grande majoritate de illes non
sape que illes parla (partialmente) i-a!!!(|:-)

Iste significa que i-a es le plus diffundite de omne lingua occidental!!

E, in adittion, nostre lingua es un lingua bellissime!!!!


Sincere- e cordialmente, kjellt