Car Mardy,
Io concorda con te que le invitation
a un lista sin le previe demonstrate
interesse del receptor del email 
curre le risco de esser appunctate
como 'spam'. Ma forsan nos poterea
includer un invitation parve al signatura
de nostre emails a altere personas e
altere listas in le qual nos dice que
es Interlingua e ubi on pote trovar 
plus information in re illo. Assi quando
nos invia messages in qualque lingua
e super qualque thema, le signatura
poterea eveliar interesse in le belle
lingua international ab personas qui
recipe nostre messages. Que pensa
tu e le alteres al Interlng super iste
idea?

Con salutes amical,
Jay B.

Il 07/05/05, Alberto Mardegan<[log in to unmask]> ha scritto:
> Salute Javi,
> 
> Le die Fri, May 06, 2005 at 11:55:43AM +0000, Javi López ha scribite:
> [...]
> > lista. Io crede que iste listas de yahoo ha le possibitate de poter
> > invitar altere gente. Io rememora per exemplo, haber recibite
> > invitationes pro participar in listas de IDO sin haber lo io
> > solicitate antea.
> 
> Io non crede que isto es un bon idea; multe personas non ama iste
> invitos, e pote considerar los como SPAM. Io time que illo haberea le
> effecto contrari: personas qui recipe iste invitationes non solicitate
> va probabilemente odiar interlingua, mesmo si illes non sape lo que es.
> 
> On deberea invitar solmente personas qui ha interesse in interlingua.
> 
> --
> Saluti,
>     Mardy
> http://interlingua.altervista.org
> 
> 


-- 
    
--
    
[log in to unmask]