Hodie al hora 06.00 quando io faceva mi
costumari ambulamento circum le area ubi
io habita (usante le bastonos,
naturalmente, "facente le ski sin skis"
:-) io notava un cosa phantastic. I l  q
u a s i   n o n   h a b e v a   n i v e!
On pote parlar del advento del
primavera, alminus le pre-primavera. Le
introito in le primavera. On se gaude!

Brun jace le herba del anno passate. E
que iste residuo va disapparer es quasi
impossibile de creder ora, quando on
reguarda.

Al venerdi passate le longor del die
attingeva 11 horas! E isto se vide. Il
jam al hora 06.00 ha sufficente lumine
pro que on pote usar lo pro su
orientation, ben que illo non suffice
pro leger le jornal. Del resto io sempre
lo lege del rete, sur le schermo...

E hodie, como alcun dies antea, io ha
soniate de un conferentia de interlingua
ubi vos omnes sur le lista participa. E
omnes es gaudiose, malgrado que on
discute tal problemas como recentemente.
Toto in bon spirito. Postea io retorna a
Svedia e le aeroporto es tanto sec que
on debe obluer lo per aqua quasi on
piscina pro infantes. E io debe
debarcar, quia le avion continua a
Helsinki! E io me evelia a un nove
die...

Amicalmente

Kjell R