Un exercitio de traduction. Suggestiones es benvenite...

- Martijn

Original in anglese:
<URL:http://ue.eu.int/Newsroom/LoadDoc.cfm?MAX=1&DOC=!!!&BID=109&DID=64563&GRP=3077&LANG=1>


Brussel, le 24 decembre 2000

36/00

Declaration per le Alte Representante del Union europee

pro le politica estranie e de securitate commun

Sr. Javier Solana,

super le electiones legislative in Serbia


De novo, le populo de Serbia se ha enunciate e lor message es clar.
Io calorosemente les felicita. Illes ha definitivemente relegate le
restantes del regime Milosevic al historia. Iste regime e le systema
que illo ha constructe e appoiate non sera mancate.

Le electiones pone un conclusion felice a un anno remarcabile de
cambio in le Balkanes Occidental. Nos ha vidite un fin al dictatura
in Serbia e reforma extensive in Croatia. Per le region, le votantes
ha optate pro cambio pacibile - in Kosovo, ARYDM* e, a un grado
large, in Bosnia.

Cata fin marca un initio. Le restantes del regime Milosevic, que
poneva un obstaculo substantial al reforma in Serbia, es via. Nunc,
le practica de traducer cambio democratic in realitate pote comenciar
seriosemente: dismantellar le vetule apparato de poter; stimular un
economia de mercato genuin; crear institutiones que es vermente
responsabile e que lassa spirar le democratia; extirpar le crimine e
le corruption que ha alimentate le vetule regime; construer un nove
societate basate super justitia e super responsibilitate.

Le nove directores de Serbia ha un mission difficile ante se. In
Zagreb, le ultime mense, le Union ha aperite un dialogo remarcabile
con le democratias emergente del region. Nos ha equalisate lor
ingagiamento al democratia con nostre ingagiamento al participation.
Illes pote contar con nostre appoio.


* ARYDM: Ancian Republica Yugoslave De Macedonia
   Traduction de FYROM: Former Yugoslav Republic Of Macedonia