Mario Malaguti wrote:

> (...)
>
> Rarmente, io pensa, un evenimento se realisava con le concurso de un grande
> massa de personas.
> Securmente le numeros face le base al democratia, e totevia solitemente le
> numeros non decide.
> Como es iste contradiction?

Io suppone que io responde al question de Mario (!). Ben, le elite ha vidite
que il ha un avantage adherer al euro, al emu. Le negatores sembla pensar que
le elite solo reguarda a su proprie interesses e non pensa del populo in
general. E le populo in general vide diminuentias in le benesser providite per
le stato como un exemplo de isto. "Illes non pensa plus re le veteres, re le
scholas e re le personas sin travalio, illes servi solo su proprie interesses".
Tamen il es multo probabile que le partitos _no_ si illos era in un situation
plus responsabile, viderea le necessitate de adherer al Europee Monetari Union.

Le premier Göran Persson causava un tempesta, quando ille in un intervista de
radio diceva que "si on votara contra le accession, on debera in le futuro
facer un nove referendum." Io audiva le intervista, e io comprendeva assi, que
in le caso de un "no" certo le population in un futuro postulara un referendum
vidente le disavantages de non esser intra le union, ma viste que un del
occupationes in le medios es misinterpretar, le misinterpretationes veniva
"como epistolas per le posta", como on dice in svedese de un cosa certissime.

Si, nos attende un anno interessante...

Kjell R