Jan,
  Con plus reflexion io es ancora mystificate per le maniera in que vos
categoriza messages como "private" e non al integre gruppo.  Considera
le message de Allan:

Allan Kiviaho wrote:

> Splendide, Thomas, splendidissime!
>
> Tu nove paginario multo professional poterea esser un modello pro altere
> paginarios national, e.g. AFIL - Association Finlandese pro Interlingua.
> Iste es le toto que pote commentar nunc - hodie nos ha le grande testos
> de 2000/Millennium/Y2K ...
>
> Allan

Ha vos inviate un message similar al tue que vos ha inviate a me a Allan?
Mais il me pare que Allan poteva facilemente inviate iste message a
Thomas directemente sin ennoiar le resto de nos con illo.  Mais in
facto, su message non es justo pro Thomas, mais pro le integre gruppo
in monstrar su approbation e appoio pro le contributiones de Thomas.
Il es importante al solidaritate del gruppo que nos registra nostre
approbation e appoio a illes in un maniera que tote le mundo pote
vider.  Tal communicationes non es private.  Iste gruppo es familia
e nos vole monstrar nostre cordial e amical relationes con le un le
altere, pro incoragiar participation in le gruppo.

Stan