Le jornal _Science_ del 24 de augusto 2001 reporta que le circulos
in recoltas brittanic que in le passato ha essite un mysterio
con respecto a lor origine ancora ha facite lor apparentia in le
recoltas de iste anno, malgrado le restrictiones al accesso del
regiones agricultural a causa del maladia bovine del pede e
bucca.  Usque ora, 78 circulos in recoltas ha apparite in le
Regno Unite, includente un impressive designo fractaloide,
discoperite le 13 de augusto.  Illo appareva in le contato de
Wilshire in le sud de Anglaterra, que es le centro del circulos
recoltari.  Illo contine 409 circulos in un designo spiral que
es plus que 450 metros in diametro--que face miniscule le
medie grandessa de 60 metros del resto del designos de iste
anno.

Le mer grandessa e complexitate de iste designo ha multe
gentes perplexite.  Date solmente 4 horas del nocte in que
a facer lo, le creatores del designo spiral debeva crear un
circulo al rata de un cata 30 secundes--con necun tempore
disponibile pro le labor de metir preliminari. De plus
ultra un certe longitude (circa 60 metros) il es multo
difficile a tener un banda metric supra le recolta sin
imbroliar se in le recolta.  {Nota de traductor: Possibilemente
un metir per laser esseva usate}.

Stan Mulaik