Le adresse electronic de "Interlingua", mi prime
publication in le sito blogger.com, es
<http://www.blogspot.com>.

Le sito blogger.com es instantemente disponibile a
omne persona qui vole publicar alique.  Si vos vole
inaugurar vostre proprie publication(es) in
interlingua o in ulle altere lingua, le ressources de
<http://www.blogger.com> es immediatemente disponibile
a vos.

Si vos inaugura un nove publication in interlingua,
vos pote imprimer un o duo paginas de illo.  Al pede
de cata pagina vos trovara le adresse electronic de
vostre publication.

E si vos vole, vos pote inviar nos le adresse de
vostre publication(es) pro possibile inclusion como
ligamines ex le sito de UMI o ex altere sitos.

Le ressources de blogger.com es multo facile a usar.
On pote usar los de un maniera multo basic con
documentos in ASCII o de manieras graphicamente plus
sophisticate.

E blogger.com permitte que su autores redige o elimina
messages in lor publicationes dirigite a su sito.

Il me pare que le disveloppamento de sitos como
blogger es un ver revolution in le publication que
elimina le onere economic de preparar un edition
imprimite e le necessitate de placer a redactores de
casas editorial traditional.

Usante sitos como blogger.com, on pote devenir su
proprie redactor e mantener un controlo complete sur
lo que on publica.  Le possibilitates de publication
electronic me excita specialmente proque on pote
montar documentos plen de errores, imprimer los,
rediger los, e remontar los.

Con repetitiones de iste cyclo de redaction, on potera
eventualmente producer documentos clar, precise, e
multo ben redigite.

__________________________________
Do you Yahoo!?
Yahoo! SiteBuilder - Free, easy-to-use web site design software
http://sitebuilder.yahoo.com