Mario Malaguti ad [log in to unmask] ha scripte in 2000/11/09 8:33
PM:
[...]
> Que servi a me "vostre" Biblia? Illo pare non servi a vos qui exprime con
> tante veementia uno le necessitate de traducer lo in interlingua, le
> altrere le necessitate de annunciar reprimendas.
> Ma perque non applica vos le Biblia in le normal expressiones del vita de
> omne die?

Mario, car Mario, que tu me dice Mario? Io traduce le
Biblia pro mi gusto de haber lo completemente traducite
al belle lingua international. E que? Tu non lo vole?
Ok, ben, ok... Io non te fortia a leger lo, tu face como
tu vole, como tu conscientia dicera, que dicera Angelo?

Io offere mi traductiones libere, sin costo a nemo. Io
invia libros de Interlingua sin petir necun costo pro
illos, io invia message depost message a iste lista, e
proque? Pro mantener le communication in iste belle
lingua.

E que me dice tu? Que io non applica le Biblia in
expressiones del vita omne die? Que vole tu dicer, Mario?
Io, si io, essaya applicar lo que io apprende del Biblia.
E io lo demonstra con mi tote esser, imperfectemente
forsan, ma esque tu es perfecte? Veni, mi amico. Per
favor non me dice cosas assi, io non "vehemente" face
necun cosa. Io ha essayate haber un spirito christian.

Mira Mario, mi amico, io non ha parte in le differentias
national del mundo. Io detesta le politica. Io ama le
veritate e le libertate. Io, como un Teste de Jehovah,
nunquam habera parte in necun militarismo proque mi ver
leader Jesus Christo diceva que su Regno non es parte
de iste Mundo. Tu nunquam trovara un Teste de Jehovah
con un arma de foco (o qualque altere armas) ir al
combatto contra altere personas. Io como un Teste de
Jehovah es un "teste" al cosas de iste tempore, de iste
etate. Le parola teste in latino es "martyr" in greco.
Isto non significa que le Testes de Jehovah vole esser
martyres, suffrente pro le fide, ma si illo es necessari
pro defender le fide, martyres nos essera al oculos de
omne.

Io detesta le violentia e le prejudicio, e io spera que
tu concorda con me in isto. Que Paolo conduce su vita
como ille vole, que tu mesmo vive como tu vole, e io
spera que omne al lista pote acceptar que io ha le mesme
derecto de viver como io vole ma sin fortiar a alteres
mi credentias. Io non fortia nemo. Io face un traduction
del Biblia e omne que vole pote facer lo illes mesme si
illes vole. Proque essayar detener me? Proque tentar de
poner obstaculos in mi passo? Io non crede que tu face
isto Mario, ma tu sape lo que jam diceva Paolo, assi que
io non comprende su odio pro mi labor. Io non odia a
qualque persona proque illes es parte de un gruppo special.
Io non odia nemo, sia illes de altere gruppo religiose o
de altere credentias.

E Mario, tu me cognosce bastante pro saper que io non
vole violentia. Io sempre me presenta a tu servicio e in
tanto io lo face un altere vice. Que mi comportamento,
como tu dice, facera bastante responsa. Io pro mi parte
essayara sempre viver per le fide que io ha apprendite
de mi studio del Biblia.

Respectuose e amicalmente,
Jay B.