Con respecto a themas religiose - un subjecto periculose de
discuter a causa del guerras de flamma - io pensa que le
religiones fundamentalista de tote le religiones es exemplos
del idolatria - le adoration del finite, le identification
de cosas, processos, libros, etc. con le sacre.  Le sufi
es un poco unic inter le moslemes in emphasizar le private
relation inter le homine e Deo. Qualcunque religion que exige
le spada pro disseminar se es preoccupate con le finite, le
mundo e adora certe formas del mundo, e isto es le marca del
idolatria. Isto es ironic, proque le moslemes ha interdicite
le adoration de imagines. Mais multes hodie sembla non a
comprender le principio fundamental del idolatria que es le
tractamento del finite como lor ultime preoccupation. Isto
es equalmente ver de certe ismos como le communismo, le
naziismo, que ha facite labor pro le stato un requirimento
de sacrificio individual.  Un signo del idolatria es que
tu debe sacrificar te pro le idolo.  Il es interessante que
le christianismo ha le symbolo de Jesus como Deo que
sacrifica Se pro salvar le individuo. Isto es un Deo que
sacrifica Se in loco de tu te sacrifica pro le deo. Il es
per tal symbolos que nos pote judicar le fundamentalismos
del mundo. Si le formas finite in iste mundo, iste planeta,
es adorate como incorporante le sacre, isto es idolatria.
Le ecclesia, le formas de adoration, le libros sacre, si
illos es usate como objectos de adoration e non vehiculos
per le qual on percipe un plus grande poter que sustene
le universo (e isto es solmente metaphora pro exprimer le
conscientia que alque existe e non nihilo, que le existentia
es affirmate in tote su formas), istos deveni idolos e
lor adoration es le idolatria.

Bastante de sermones. Illos realmente non es tanto importante.

Salutes!

Stan Mulaik