STAN MULAIK wrote:

> (...)
>
> Qui va facer lo?  (...)

> Le svedese Ingvar Stenstrom ha monstrate que on pote inseniar
> interlingua in un anno a un grado ubi le studente es capace de
> leger textos in italiano, espaniol, e francese sin haber
> recipite inseniamento in iste linguas.  Multe americanos non va
> usar lor espaniol, ni lor latino, ni lor francese, mais interlingua
> va rapidemente introducer les al linguas romance (...)

> Le problemas a superar es le rigiditate del departimentos de
> linguas in le scholas.

> Un altere problema es que nos exige un "oncle ric" qui va
> adjutar nostre promulgation de interlingua financialmente.

Ante alcun septimanas ego incontrava un persona multo enthusiastic re
interlingua. Ille habeva apprendite interlingua et nunc scribeva
articulos in illo. Quando nos nos incontrava ille me diceva:
"Vos debe naturalmente haber un jornal quotidian in interlingua. Isto
es necessari!"

Ego: "Certo. Ma isto costa alcun 50 milliones SEK (> USD divide le
ammonta per 10,02 - le curso de heri).

Ille: "Nos debe facer annuncios in omne le grande jornales europee."
Ego: "Un plen pagina sin colores costa alcun 250.000 SEK in un grande
jornal in Svedia. In le grande jornales europee le precio certo es
plus grande."

Ille: "Nos debe interessar _omne_ instructores de linguas in Svedia."

Ego: "Siii, como compra on adresses. Ha tu le moneta?"

Iste registration de un conversation que ego habeva alcun menses retro
es typic. Ego crede que illo ha le foco incorrecte. Nos al qual
interlingua place debe ager per nostre competentia et per le moneta
que nos possede (si nos vole expender lo pro interlingua, forsan nos
lo besonia pro nostre mangiar o nostre casa e infantes).

Lo sol que on secundo me besonia es alcuno qui vole - et es capace -
de mediar libros e jornales in interlingua del mundo extere.

Si alcun vole facer functionar un club de interlingua isto es bon, ma
facticamente de besonio subordinate. Nos debe solmente contar per le
resources que nos habe. Non de un possibile oncle ric, non de un
fundation pecuniose et non del stato, le qual in certe paises pote
supportar occupation de movimentos popular.

Interlingua se propaga ipse. Pensa como vos ha incontrate le lingua!
Altere personas reage como vos.

Besonia on organisationes que necuno pote manear pro falta de
resourses. Ego ha in mi vita vidite troppo de tal cosas.

Amicalmente

Cellus