Multe organisationes in Svedia existe per le adjuta del stato. Un exception
es - si io non es mal informate - Societate Svedese pro Interlingua e
Amnesty International.

In Amnestia International il ha originate un interessante crisis. On habeva
eligite un nove secretario general, un seniora Ohrler (io non ha vidite le
nomine in scripto e scribe per mi senso lingual e viste que il ha anarchia
in como personas scribe su nomines il es possibile que illa ha un altere
nomine. Tamen ille seniora Ohrler habeva antea laborate in le Directorato
National del Policia, le organo que duce le activitates del policia in tote
le pais.

Nunc il se monstrava que multes del membros non habeva confidentia in
seniora Ohrler pro su passato in le policia. Como, pensava on, pote illa
comprender le situation del prisioneros, si illa in facto era "al altere
latere"

Como presidente del organisation on habeva eligite Jesús Alcalá qui veniva
a svedia ante multe annos de America Sud.

Seniora Ohrler allege que le nove presidente Alcalá e altere membros del
directorato la ha tractate in un maniera sin confidentia. On ha prendite de
illa certe cargas etc.

Como le consequentia de isto illa ha petite su demision.

Vos pote imaginar vos le situation. Nunc Amnesty perde multe de su membros
qui non vole pagar lor membratas. Durante le prime demianno le organisation
perdeva 5.000 membros. Io crede que amnesty in Svedia ha 20.000 membros.

Viste que le organisation ha nulle supporto economic del stato, le membros
debera esser caute. Si non, illos plus non habera un Amnestia International
in Svedia.

Personalmente io pensa que illo es un bon organisation, sed secundo mi
experientias personal, e io era membro in le 80'as, il es troppo
centralisate. On DEBE facer secundo lo que dice le secretariato in
Stockholm, que dice lo que dice le secretariato in London. Vos comprende?

Io non ha sequite le organisation tanto durante le ultime annos. Il es mi
impression personal que on tenta comprehender troppo multe. On deberea
concentrar se al protection del derectos del personas qui es persecutate e
incarcerate a causa de lor opiniones politic, que illes ha exerciate su
derectos de parola e le public divulgation de lor opiniones politic, sin le
agitation  in favor de violentia e sin le uso de illo.

Sed como con multe organisationes on comenciava etiam on campania contra le
pena de morte. Io es personalmente opponente al pena de morte. Occider un
persona es sempre assassinato, non importa qui la executa. Vide como le
guerras cambia tote le leges del societate civil!

Ben, un organisation le qual tenta allargiar su scopo de activitate certo
videra un dilution de su internitate e plus o minus tarde tal cosas como
con Amnestia svedese (como nos quotidianemente appella le organisation) va
occurrer.

Nunc le bon cosa in omne isto es que le membros decidera qual organisation
illes vole, viste que illos sede sur le moneta. Le avunculo statal - io
spera - non venira con un sacco de coronas pro facer del functionarios de
amnesty alcun specie de _movimentocultores_.






Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden