>From: Jacques Dehée <[log in to unmask]>
>
>- Mario, io crede haber comprendite
>   que tu es catholic practicante.
>   Io es catholic solmente per le baptismo
>   e mi fede es imprecise.

Illo que me impedi de esser un catholico practicante es mi difficile
valutation del homines de ecclesia, plus que del manifestationes del culto.
Ambes le aspectos ha lor grande importantia in mi comportamento de catholic
non practicante de quando io era un puero de septe annos.
Si a isto on vole considerar que le homines de ecclesia manifesta e tende a
practicar ideales politic, ben, illes generalmente es del parte que non me
trova de accordo perque mi ideal politic es le mesme de illo economic. Un
ideal que un vice se denominava liberal, de dextera economic (diverse de
illo politic, un altere manifestation de cultos le plus diverse), republican
si on vole facer se al modello statuonitese.
Io vade de accordo con le cardinal italian que recentemente reguardo al
Patrono de Italia, qui es San Francesco, affirmava publicamente: "Pro bon
fortuna le Ecclesia ha habite solmente un San Francesco". E pro illes qui
ama le historia, iste affirmation dice multe cosas reguardo a tote illes qui
se proponeva ideas extreme in tote le tempore e pro qualcunque ideal. Hodie
on le appellarea taliban, nonne?
Io vade de accordo anque con un preste de mi Treviso qui recentemente me
diceva: "Sape tu Mario? nos prestes termina nostre preces quotidian con le
invocation al Patre Eterne de colliger nos al Pace Eterne, totevia io usa
adjunger pro me: "E in omne caso, pro me, non haber haste de facer iste
appello!""
Probabilemente nos duo es duo practicante un poc particular, nonne?
O nos pertine al practicantes catholic qui vade pro le major.

E ora como continuar mi responsa a tu implicar me con le factos de Fatima?

>
>   Esque un subdialecto parlate per le Virgine
>   es negligibile ?
>
>   Jacques

Reguardo al Fide o Profession religiose io ha anque un altere puncto de
vista. Io lo examinava anque de recente con duo mi amicos japponese de fide
budista. Le religiones, in general, es de un simplicitate e equaliantia
surprendente. Postea illo que contine un ecclesia o confession, sempre in
general, es toto un manifestation de esterioritate pro capturar le personas
in le momentos plus difficile de lor vita. Quando un persona es puero,
vetule e proxime al morte, in un momento non felice de su vita. Le ecclesia
es botecas, normalissime botecas. Con le solite exceptiones que pertine a
totes le religiones.

E pro considerar tu demanda, mi Matre Celeste se pote exprimer in qualcunque
lingua, simplicemente perque es nos que La senti exprimer se in nostre
interior. Alora Maria me parla securmente in mi modo de exprimer me le plus
intime. In dialecto, certemente. Le dialecto non es synonymo de ignorantia,
al contrario.
Illes qui ha habite le occasion de leger le preces scribite in lor dialecto,
ben! illes ha habite un grande opportunitate de reflexion reguardo al
manifestationes popular del Fide. On trovara securmente manifestationes
natural, proprie del homine de qualcunque tempore.

In omne caso, e pro concluder, io ha facite fatiga a comprender le natura de
tu message. Io lo ha trovate pretestuose e povre de spirito.
Mi Angelo me recommenda sempre de dicer illo que io pensa e, postea, de
pagar le precio del esternation. In altere parolas mi Angelo me volerea
facer comprender que le silenctio serea un ricchessa e totevia illo porta a
un supportation que un catholico non debe suffrer passivemente, mesmo si non
practicante. E tu sape que le homine ha le sentimento del appertinentia.
Mi Angelo es un creatura multo complicate! E io ha con ille un frequentation
continue. Cata uno manifesta su fide.

Mario




_________________________________________________________________
Chiacchiera con gli amici online, prova MSN Messenger:
http://messenger.msn.it