(1) Le melior maniera de inseniar un lingua como
interlingua es demonstrar su uso in textos.

On pote inseniar su grammatica efficacemente con un
minimo de vocabulario technic.  Io ha essayate facer
isto in le section sur le syntaxe de interlingua in le
curso que io ha publicate in "Interlingua in
interlingua" <http://www.geocities.com/hkyson>.

---

(2) Le grammatica de Gode e Blair sovente deveni un
lecto de Procrustes pro multe interlinguistas.  Io
crede que illo debe esser solmente un puncto de
partita.

(Ante multe tempore io publicava in un foro de
discussion Delphi un presentation del principios
fundamental del grammatica de Gode e Blair.  Il ha
solmente forsan dece-duo de illos.  Forsan con le
tempore io va republicar iste articulo in iste foro.)

---

(3) Si a vos non place como io usa interlingua, le
maniera le plus efficace de promover vostre proprie
practicas non es criticar le mies, ma publicar vostre
proprie textos usante interlingua como vos prefere.

Un lingua evolue solmente per le competition de varie
manieras de usar lo.  Ex iste competition gradualmente
emerge formas standardisate de un lingua.
Exhortationes pro evitar le "errores" de alteres
compli pauco.

__________________________________
Do you Yahoo!?
Protect your identity with Yahoo! Mail AddressGuard
http://antispam.yahoo.com/whatsnewfree