Que nos dice que tu ha un collection de inter 20 e 90
libros de unes 100-200 paginas cata un.

Que nos dice anque que le formato de iste libros es
assatis simple proque illos es principalmente textos
litterari o jornalistic.

Que nos anque dice que tu vole converter iste libros a
in (A) un bibliotheca electronic e sur un dischetto
compacte e (B) a in un sito electronic del Rete pro
distribution instantanee.

Ecce un maniera assatis facile de complir iste
projecto:

(1) Usa un scanator que pote converter le textos de
iste libros in documentos electronic in un redactor
conveniente (un tal scanator pote sparniar multe
reclaviation).

(2) Transmitte iste textos a in un redactor electronic
conveniente.  Un redactor que produce textos in HTML
esserea le melior con le technologia currente proque
HTML es le formato que se usa le plus sovente in le
Rete.

(Naturalmente, si tu vole, tu pote corriger errores in
le textos de iste libros o facer altere tipos de
redactiones ulterior in illos.)

(3) Organisa iste libros in un (serie de)
subdirectorios secundo un systema que te pare natural
e logic.

(4) Scribe un documento index que brevemente describe
le scoppo del bibliotheca sequite per un catalogo de
su contento con ligamines hypertextual al libros o a
partes de illos.

Isto es como io organisava "Interlingua in
interlingua", (ma io debeva claviar omne le textos de
illo sin un scanator).  On pote considerar lo como
quatro parve "libros": le curso dividite in 18
capitulos, e le altere sectiones (scientias, viages,
interlinguistica).

Monta lo in le Rete pro distribution instante e face
copias in dischettos compacte pro distribution per
posta gastropode.

Stanley Mulaik ha preparate un publication simile a
isto que ille distribue a personas interessate in le
activitates del societate american pro interlingua.
Inter altere publicationes, iste dischetto include
"Interlingua in interlingua".

Il me pare que un dischetto currente compacte (o
forsan duo de illos) ha un capacitate assatis grande
pro continer un tal bibliotheca.

__________________________________________________
Do you Yahoo!?
Yahoo! Mail Plus - Powerful. Affordable. Sign up now.
http://mailplus.yahoo.com