Il me pare que le Academia, a causa de su origines in le movimento de
Latino sine Flexione, es un organization non inimic a interlingua IALA,
mais ancora independente de su organization mundial, le Union Mundial
pro Interlingua, que esseva create per Dr. Gode e alteros in le l950s
o 1960s (io non rememora).  Io esseva un del prime membros de aquelle
organization. Hodie UMI (Union Mundial pro Interlingua) es le organization
mundial que servi interlingua e su objectivos.  Lo que nos exige hodie
in Nord America es un organization sub UMI.  Isto non significa que
le Academia debe disorganizar se.  Illo pote continuar in parallelo
con un organization de UMI, e possibilemente isto va dar lo un certe
libertate que un organization sub UMI non va haber.  Certo, le membros
del Academia non es confinate a Nord America. Mais un organization sub
le egide de UMI esserea confinate a gentes in Nord America. Un Union
Nordamerican pro Interlingua (UNI) non ha como un objectivo le
discussiones de interesse de tote interlinguistas, mais le gerentia
de interesses de UMI e le propagation de Interlingua IALA in Nord
America.

Stan Mulaik