Si, al eveliar me io audiva un reporto in nostre radio national del Statos
Unite. On diceva que le presidente nunc debera governar con un opposition
in majoritate et in le senato e le casa de representantes. On intervistava
duo correspondentes qui cognosce le Statos Unite multo ben, e illes diceva
que illes _ama_ le politica american.

Nonobstante le percentage de participantes in le electiones ha essite multo
micre. On diceva que isto es stupende viste que le Statos Unite ha le plus
potente agglomeration de medios eteric (radio e television).

Es il possibile que tu pote haber le titulos del libros svedese que certe
gruppos non voleva haber in le bibliotheca local? Forsan io per le titulos
pote decider de qual libros il se tracta. Isto es mer curiositate.

Quanto a Newt io ha legite satis multe de ille in nostre pressa. Il sembla
esser un republicano multo reactionari - secundo mi maniera de vider - isto
es tenacemente conservative. Ille habeva un opinion politic multo
biologisante. Un autoritariano.

Significa le perdita de Newt que ille perde so loco in le congresso? Como
functiona isto? Como in Anglaterra que un membro del parlamento representa
un circulo electoral e que ille/a post le election acceptara contactos de
omne habitantes del circulo electoral o qual es isto?

Ci in Svedia le politica es professionalisate, lo que significa que nos ha
multe personas cuje profession es de esser politicos. Personalmente io ha
un impression que il es un grande distantia inter le populo e le politicos.
Le populo pote planger se de alcun cosa, ma io ha un impression que on
(isto es le partitos) non vermente incoragia le participation in le
discussion.

Omne le partitos ha un structura multo simile. Quando le partito ecologista
veniva como un nove partito in le octantas - o forsan jam in le septantas -
quai como passa le tempore! - illes faceva un cosa de esser differente.
Assi on non habeva un ductor del partito ma duo tubas de parola (non porta
voce!), un viro e un femina. Le partito verde habeva un maniera de laborar
que habeva un aspecto multo democratic - populista diceva le alteres - ma
gradualmente le partito se ha assimilate al altere partitos e le presente
ductor Birger Schlaug (forsan io rumpe le lege de datos personal nunc, ma
io non ha le tempore demandar le inspection de datos) es un multo habile
politico, on ver proffesional.

In tempores ancian - le parte anterior de iste seculo! - le partitos
politicos in alcun senso representava le varie classes social in Svedia. Le
presente Moderatos era le conservativos, representante le classe superior,
restos del aristocratia - que officialmente cessava exister in 1864. Le
presente centro representava le agricultores e le population rural, le
liberales/partito popular le intelectuales, instructores, personas in le
movimentos popular non-socialista, antialcoholic, religiose etc., le
socialdemocratas le principal parte del movimento de laboratores e le
communistas le movimento minoritari de travaliatores. Ambe iste ultime
partitos con un micre ma significante numero de personas con education
superior, i.e. universitari.

In mi opinion le partito del leve (sinistro), le excommunistas es al
presente un mutation del partito liberal. Un persona qui poteva esser
liberal in le sexantas poterea in le 80's multo ben adherer al partito Leve.

Politica- e partitarimente



[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden