Anne Burgi scribeva:
> Allegra Frank,
>
> Ecce un enigma :
>
> Lo que es facile pro te
> es difficile pro me,
> Lo que es difficile pro te
> es facile pro me.
:^) Allegra, Anne!
De facto, crear un pagina pro le web non es difficile del toto. Un pagina web es
specificate per un "linguage" nominate HTML. Illo se basa in poner "marcas" intra
un archivo-texto commun (que tu pote editar mesmo con le Notepad de Windows) que
defini formatationes.
Per exemplo:
Ensjo te saluta: <b>Alegra!!!</b>
In iste exemplo, le marcas "<b>" e "</b>" indica le initio e fin de "negrito"
(anglese "bold"). Illos non apparera in le texto, ma le texto inter illos
apparera in negrito.
Non omne marcas habe un "finalizator". Per exemplo, "<br>" insere un ruptura de
linea:
supra<br>infra
Hic, "supra" apparera in un linea, e "infra", in le linea sequente.
Un cosa curiose es que le ruptura de linea in le texto HTML non indica un ruptura
in le pagina HTML. Rupturas de linea, multiple spacios consecutive, 'tabs',
appare in le schermo como un sol spacio. Solmente per usar "<br>" o le par "<p>"
e "</p>" (initio e fin de paragrapho) tu habera fin de linea. Assi,
<p>Isto
es un
paragrapho in un
sol linea.</p>
es le mesme que
<p>Isto es un paragrapho in un sol linea</p>
Alcun marcas accepta "parametros", informationes additional. Per exemplo, le
marca "<img>" insere un imagine in le texto. Ma tu debe tamben specificar le
localization del archivo de imagine que sera inserite. Isto es indicate per le
attributo "src" ("source"):
<img src="http://www.nautilus.com.br/~ensjo/images/ensjopic.gif">
E, ben, io non va explicar toto in un littera, ma si vos amicas e amicos desirara
un bon explication de isto in Interlingua, io pote trovar un bon guida de HTML in
le Internet, traducer lo a Interlingua e disponibilizar lo in mi homepage. Que
vos pensa?
Allegra! ;^)
--
ENSJO*: EMERSON JOSÉ SILVEIRA DA COSTA
E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
UIN ICQ : 713833 [* "sj" pronunciate "sh"]
INTERLINGUA - lingua auxiliar international
Info : http://www.interlingua.com
Grammar : http://www.nautilus.com.br/~ensjo/interlingua/english.html
|
