Car amicos Ensjo, Stan e alteres,

Gratias pro vostre felicitationes al occasion de mi 70 annos.

1, Il ha in le articulo de Panorama alicun inexactitudes:
A. Le data de mi anniversario es le 27 de MAIO (non: april).
B. Io non plus es patinator active jam desde multe annos. Ma io es
membro del committee directive del club de patinatores in mi region.
Solmente in le annos septante io esseva le presidente del club durante
alicun annos.
C.Io es maritate desde 45 annos (non: 50 annos).

2. Le "ij" de mi nomine es un diphthongo. Le "ij" non se pronuncia como
"aj", ma como "ej" (= e + i, pronunciate rapidemente quasi como un sol
sono. Le "e" ante le "ij" non se pronuncia. Mi nomine se pronuncia
dunque: k l ej.
Le "ie" de mi prenomine se pronuncia como le "i" ordinari de
Interlingua.

3. Io opina que "ante multe annos" es equivalente a "multe annos retro".

4. Io scriberea "P.C. es maritate desde ..." Hic io considera "maritate"
como adjectivo que exprime un stato.

5. Le publication del libro "Le Parve Prince" depende del question del
derectos de autor (copyright). Il non jam ha un solution del problema.

Si on vole reciper mi "Lista Supplementari de Vocabulos International",
on debe inviar 8 dollars american in un inveloppe adressate a mi
adresse: Steenen Camer 4, 3721 NC Bilthoven, Nederland. Alora io expedi
le libro per posta lente (per nave). Invio per posta aeree costa 11
dollars. Le precio pro personas habitante in le Union Europee es 13,50
florinos ned. o equivalente in francos, marcos, etc.

Salutes amical de Piet Cleij