Car Thomas,
Gratias pro facer le annuncio al lista,
illo es novas multo triste, anque, io preca
pro su familia, e pro le amicos qui cognosceva
le. In le ultime annos nos ha suffrite le perdita
de tante grande amicos qui laborava tanto
pro le lingua belle auxiliar! Nos sentira
su absentia.
Sincermente,
Jay B.
----- Original Message -----
From: Thomas Breinstrup <[log in to unmask]>
To: <[log in to unmask]>
Sent: Saturday, December 22, 2001 4:12 PM
Subject: Gunnar Danielsson ha morite


> Car omnes.
>
> Gunnar Danielsson, le grande interlinguista svedese, ha morite. Secundo
> un littera de Natal recipite hodie de su sposa Margot e filia Ilse,
> Gunnar Danielsson moriva le 20 de novembre in le hospital de Lund,
> Svedia, ubi illes habitava. Nos es multes, qui cognosceva Gunnar
> Danielsson durante multissime annos como le amabile svedese charmante
> con le amical supercilios pilose, qui sempre participava in le
> conferentias e incontros de interlingua con grande energia e
> enthusiasmo, e qui sempre laborava activemente pro interlingua. Gunnar
> Danielsson nasceva le 20 de septembre 1920 e assi deveniva 81 annos. -
> Panorama januario-februario 2002 habera un articulo super Gunnar
> Danielsson.
>
> Que vive su memoria!
>
> Con mi optime ma triste salutes
> Thomas Breinstrup
>