Pro mi aures, "io" sona como le italiano "io", con le accento sur le "i" e non como le "yo" con le accento sur le "o" (io non sape si iste pronunciation del "io" de interlingua es correcte); pro le anglophones, le mi "io" probabilemente sonarea como "ee-ou" o simile ( "ou" pro simular un sono simile al "o" del parola anglese "telephone");un altere modo pro dicer le cosa es dicer que, pro mi aures ,"io" sona como duo syllabas distinguite "i-o" e non como un syllaba "yo". "ego" pro me sona como le latino (e italiano) "ego", id es duo syllabas "e-go"; pro le anglophone isto se poterea simular assi: le sono del "e" del parola anglese "met" (se reuniva) sed un pauc plus longe in le tempore, isto es le sono del "e" de "ego"; "go" es simile al anglese "go!" (tu vade!, imperativo); comocunque, non me sembla assi grave si on dice "io" como "io" o "yo", o si on dice "ego" e non "io"; in respecto al phrase "io pensa, ergo io es", io crede que iste phrase non es ver; al contrario, secundo mi opinion es ver le phrase "io es, ergo io pensa"; nam, si un homine primo non existe, como pote ille pensar? Salutes!
Stefano Loretoni.